அமைச்சர் சரத் மீது நடவடிக்கை…. ஷாக் கொடுத்த அமைச்சர் நிர்மல் குமார்…. சற்றுமுன் பரபரப்பு பேட்டி…!

தமிழ்நாட்டில் எங்கும் மின்வெட்டு ஏற்படவில்லை என்றும், அதிகரித்து வரும் மின் தேவையைச் சமாளிக்கத் தேவையான அனைத்து நடவடிக்கைகளும் எடுக்கப்பட்டு வருவதாகவும் மின்சாரத்துறை அமைச்சர் சி.டி.ஆர். நிர்மல் குமார் சென்னையில் செய்தியாளர்களிடம் தெரிவித்தார். கடந்த காலங்களை விட தற்போது வெப்பத்தின் தாக்கம் கணிசமாக அதிகரித்துள்ளதால், மாநிலத்தின் ஒட்டுமொத்த மின்சாரத் தேவையும் உயர்ந்துள்ளது. காற்றாலை மின் உற்பத்தி குறைந்ததே தற்காலிக மின் தட்டுப்பாட்டிற்கு முக்கியக் காரணம் எனக் குறிப்பிட்ட அமைச்சர், கூடுதல் தேவையைப் பூர்த்தி செய்ய மத்திய பொதுத்தொகுப்பில் இருந்து 1,500 மெகாவாட் மின்சாரம் பெறப்பட்டுள்ளதாகவும், ஒரு யூனிட் மின்சாரம் தோராயமாக ரூ.20 வரை கொள்முதல் செய்யப்பட்டு மக்களுக்கு தடையின்றி வழங்கப்பட்டு வருவதாகவும் விளக்கம் அளித்தார்.

தொடர்ந்து பேசிய அமைச்சர் நிர்மல் குமார், தாம்பரம் மாநகராட்சியில் அசோக சின்னத்துடன் கூடிய சிலை திறக்கப்பட்டது தொடர்பான சர்ச்சைகளுக்கும் பதிலளித்தார். அசோக சின்னம் சிலை அமைக்கப்பட்டது குறித்து புகார்கள் எழுந்துள்ளதாகவும், அதுகுறித்து தீவிர விசாரணை நடத்தப்பட்டு வருவதாகவும் அவர் கூறினார். மாவட்ட அமைச்சர் என்ற முறையிலேயே சரத் அந்த சிலையைத் திறந்து வைத்துள்ளார் என்றும், இந்த விவகாரத்தில் நடத்தப்படும் விசாரணையில் ஏதேனும் தவறுகள் அல்லது விதிமீறல்கள் இருப்பது உறுதி செய்யப்பட்டால் நிச்சயமாக உரிய நடவடிக்கை எடுக்கப்படும் என்றும் அவர் உறுதியளித்தார்.