“திமுக தலைவர்களுக்கு விழுந்த திடீர் நோட்டீஸ்”…. ஆ.ராசா, சேகர்பாபு மீது 7 பிரிவுகளில் வழக்குப்பதிவு…. மொத்தமாக தூக்கிய CM விஜய்…!

தமிழக முதலமைச்சர் ஜோசப் விஜய் குறித்து அவதூறாகவும் ஒருமையிலும் பேசிய புகாரில், திமுக முக்கிய நிர்வாகிகள் மீது காவல்துறை நடவடிக்கை எடுத்துள்ளது. சமீபத்தில் முதலமைச்சர் ஸ்டாலினை அவமதிக்கும் வகையில் பேசியதாகக் கூறி விஜய்யைக் கண்டித்து திமுக சார்பில் ஆர்ப்பாட்டம் நடைபெற்றது. சென்னையில் நடைபெற்ற இந்த ஆர்ப்பாட்டத்தில் கலந்துகொண்ட முன்னாள் அறநிலையத்துறை அமைச்சர் சேகர்பாபு, முதலமைச்சரை கடுமையாக விமர்சித்து ஒருமையில் பேசியது சர்ச்சையை ஏற்படுத்தியது. இதற்கு தமிழக வெற்றிக் கழகத்தினர் கடும் கண்டனம் தெரிவித்த நிலையில், முன்னாள் அமைச்சர் சேகர்பாபு மீது வழக்குப்பதிவு செய்யப்பட்டது.

இதன் தொடர்ச்சியாக, முதலமைச்சர் குறித்து கடந்த 12-ஆம் தேதி இழிவாகப் பேசியதாக திமுக எம்பி ஆ.ராசா மீது 7 பிரிவுகளின் கீழ் வழக்குப்பதிவு செய்யப்பட்டுள்ளது. முதல்வர் ஜோசப் விஜய் குறித்து தொடர்ச்சியாக அவதூறு பரப்பும் வகையில் பேசிய புகாரின் அடிப்படையில் முன்னாள் அமைச்சர் சேகர்பாபு, திமுக எம்.பி. ஆ.ராசா மற்றும் எம்எல்ஏ வசந்தம் கார்த்திகேயன் ஆகிய 3 பேர் மீது போலீசார் வழக்குப்பதிவு செய்து விசாரணை நடத்தி வருகின்றனர். இந்த விவகாரம் தமிழக அரசியல் வட்டாரத்தில் பெரும் பரப்பரப்பை ஏற்படுத்தியுள்ளது.