“12 வயது சிறுமியின் கண்முன்னே மடிந்த தாய், தந்தை, தங்கை…” பண்டிகை முடிந்து திரும்பும் போது சோகம்… வைரலாகும் ஷாக்கிங் வீடியோ…!!

கர்நாடக மாநிலம் மாண்டியா மாவட்டம் மத்தூர் தாலுகாவிற்குட்பட்ட கொப்பா காவல் எல்லைக்குட்பட்ட பகுதியில், இன்று அதிகாலை 5:30 மணி முதல் 6 மணிக்குள் ஒரு பயங்கரச் சாலை விபத்து நிகழ்ந்தது. பெங்களூரு தெற்கு மாவட்டம் கனகபுராவைச் சேர்ந்த முத்து, அவரது மனைவி காவ்யா மற்றும் மகள்கள் கீர்த்தனா (9), 12 வயது மூத்த மகள் ஆகிய நால்வரும் கௌரி-கணபதி பண்டிகையைக் கொண்டாடிவிட்டுத் தாய் வீட்டிலிருந்து ஒரே மோட்டார் சைக்கிளில் சொந்த ஊருக்குத் திரும்பிக் கொண்டிருந்தனர். அப்போது அவர்களுக்குப் பின்னால் அதிவேகமாக வந்த பால் டேங்கர் லாரி ஒன்று, எதிர்பாராதவிதமாக மோட்டார் சைக்கிள் மீது மோதியது.

இந்தக் கோர மோதலில் முத்து மற்றும் 9 வயது சிறுமி கீர்த்தனா ஆகியோர் சம்பவ இடத்திலேயே ரத்த வெள்ளத்தில் பரிதாபமாக உயிரிழந்தனர். படுகாயமடைந்த தாய் காவ்யா மருத்துவமனைக்குக் கொண்டு செல்லப்பட்ட நிலையில் சிகிச்சைப் பலனின்றி பரிதாபமாக உயிரிழந்தார். அதிர்ஷ்டவசமாக 12 வயது மூத்த சிறுமி மட்டும் லேசான காயங்களுடன் உயிர் தப்பினாள். ஒரே நொடியில் தாய், தந்தை மற்றும் தங்கையை இழந்து நிற்கும் சிறுமியின் நிலை கண்டு அப்பகுதி மக்கள் சோகத்தில் மூழ்கியுள்ளனர். இச்சம்பவம் குறித்து கொப்பா போலிஸார் வழக்குப் பதிவு செய்து விசாரணை நடத்தி வருகின்றனர்.