இன்றைய காலக்கட்டத்தில் விலையுயர்ந்த ஹெல்மெட்கள் திருடப்படுவது ஒரு பெரிய பிரச்சனையாக உள்ளது. மக்கள் பாதுகாப்பிற்காக 1,500 முதல் 8,000 ரூபாய் வரை செலவு செய்து ஹெல்மெட்களை வாங்குகின்றனர். ஆனால், இருசக்கர வாகனங்களை நிறுத்திவிட்டுச் செல்லும் போது, அவற்றைப் பாதுகாப்பாக வைப்பது சவாலாக இருக்கிறது. இதற்காகத் தனியாக விலையுயர்ந்த பூட்டுகளை வாங்க வேண்டிய கட்டாயம் பலருக்கு ஏற்படுகிறது.
தற்போது சமூக வலைதளங்களில் வைரலாகி வரும் ஒரு எளிய ‘ஜுகாட்’ (யுக்தி) இதற்கு ஒரு சிறந்த தீர்வை வழங்குகிறது. அந்த வீடியோவில் உள்ள நபர், ஹெல்மெட்டைப் பாதுகாக்க கூடுதல் பூட்டுகள் தேவையில்லை என்பதைக் காட்டுகிறார். ஹெல்மெட்டின் சின் ஸ்டிராப்பை பைக்கின் ஹேண்டில் பாரில் மாட்டிக்கொண்டு, பின்னர் பைக்கை வழக்கம்போல லாக் செய்வதன் மூலம் ஹெல்மெட்டைத் திருடர்களிடமிருந்து காப்பாற்ற முடியும்.
இந்த எளிய முறையைச் செய்வதன் மூலம், ஹெல்மெட்டை அவ்வளவு எளிதாக வெளியே எடுக்க முடியாது. திருடர்கள் ஸ்டிராப்பை அறுக்க முயன்றால் அதிக நேரம் எடுக்கும் என்பதால், அவர்கள் பிடிபட வாய்ப்புள்ளது. செலவில்லாத இந்த புத்திசாலித்தனமான யோசனையைப் பார்த்த நெட்டிசன்கள், இது மிகவும் பயனுள்ளதாக இருப்பதாகவும், தங்களின் ஹெல்மெட் திருடுபோவதைத் தவிர்க்க இனி இதைப் பின்பற்றுவோம் என்றும் பாராட்டி வருகின்றனர்.