“என்னை காப்பாத்துங்க.. தப்பு பண்ணிட்டேன்” தோழியிடம் ரூ.100 கடன் வாங்கி விஷம் வாங்கிய நீட் மாணவி… உயிருக்குப் போராடும்போது மன்னிப்பு கேட்டு கதறிய சோகம்..!!

Spread the love

ராஜஸ்தான் மாநிலம் கோட்டாவில் நீட் தேர்வுக்கு தயாராகி வந்த 18 வயது மாணவி, விஷம் குடித்து தற்கொலை செய்து கொண்ட சம்பவம் பெரும் சோகத்தை ஏற்படுத்தியுள்ளது. மத்தியப் பிரதேசத்தைச் சேர்ந்த அந்த மாணவி, கடந்த மூன்று மாதங்களுக்கு முன்புதான் நீட் பயிற்சிக்காக கோட்டாவுக்கு வந்துள்ளார். பிப்ரவரி 12-ஆம் தேதி இரவு, தனது தோழியிடம் 100 ரூபாய் கடன் வாங்கி விஷம் அருந்திய நிலையில், சிறிது நேரத்தில் அதன் வீரியம் தாங்க முடியாமல் “தவறு செய்துவிட்டேன், என்னைக் காப்பாற்றுங்கள்” என்று கதறியுள்ளார். மாணவியின் அலறல் சத்தம் கேட்டு ஓடி வந்த உரிமையாளரும் சக மாணவர்களும் அவரை மருத்துவமனைக்கு அழைத்துச் சென்றனர்; ஆனால் தீவிர சிகிச்சை அளித்தும் பலனின்றி அவர் உயிரிழந்தார்.

தாதாபரி காவல் நிலையப் பகுதியில் நடந்த இந்தத் துயரச் சம்பவம் குறித்து போலீசார் தீவிர விசாரணை நடத்தி வருகின்றனர். தகவல் அறிந்த மாணவியின் பெற்றோர் கோட்டா விரைந்துள்ள நிலையில், பிரேத பரிசோதனை முடிந்து உடல் குடும்பத்தினரிடம் ஒப்படைக்கப்பட்டது. மாணவியின் தற்கொலைக்கான காரணம் குறித்துப் போலீசார் ஆய்வு செய்து வரும் நிலையில், கோட்டாவில் மாணவர்களின் மன அழுத்தம் மற்றும் தற்கொலைகள் அதிகரித்து வருவது மீண்டும் விவாதப் பொருளாகியுள்ளது. மாணவியின் குடும்பத்தினர் அளிக்கும் புகாரின் அடிப்படையில் அடுத்தகட்ட நடவடிக்கைகள் எடுக்கப்படும் என காவல் நிலைய அதிகாரி பல்தேவ் ராம் தெரிவித்துள்ளார்.