சில மாதங்களாகவே இணையதளத்தில் புது ட்ரெண்டாக திரைபிரபலங்களின் சிறுவயது புகைப்படம் பரவலாகி வருகிறது. இந்த வரிசையில் ஜெமினிகணேசனுடன் நடிகை சுவாதி மற்றும் நடிகர் கயல் தேவராஜ் இணைந்து எடுத்த புகைப்படம் தற்போது இணையத்தில் வைரலாகி வருகிறது.
90 காலங்களில் திரையுலகில் கனவு கன்னியாக வலம் வந்தவர் நடிகை சுவாதி. 1995 ம் ஆண்டு இயக்குனர் எஸ் ஏ சந்திரசேகர் இயக்கத்தில் வெளியான “தேவா” படத்தின் மூலம் தமிழ் சினிமாவில் அறிமுகமானார். இந்த திரைப்படத்தில் நடிகர் விஜய்க்கு ஜோடியாக நடித்திருந்தார். அதன்பின்பு, நடிகர் அஜித் நடிப்பில் வெளியான “வான்மதி” திரைப்படத்தில் நடித்துள்ளார். இந்த படத்தின் மூலம் ரசிகர் மனதில் நீங்கா இடம் பிடித்திருந்தார்.
மேலும் இவருக்கு பல முன்னணி நடிகர்களுடன் நடிக்க வாய்ப்புகள் கிடைத்தது. இவர் தமிழ், ஹிந்தி, கன்னடம் மற்றும் தெலுங்கு மொழிகளில் நடித்துள்ளார். நடிகை சுவாதி 2009 ல் தொழிலதிபர் கிரண் என்பவரை திருமணம்
செய்து கொண்டார். திருமணத்திற்கு பிறகு நடிகை சுவாதி திரைப்படங்கள் நடிப்பதை முழுவதுமாக நிறுத்தினர். நடிகை சுவாதியின் லேட்டஸ்ட் போட்டோ இணையத்தில் வெளியாகி வைரலாகி வருகிறது.
நடிகர் கயல் தேவராஜ், முன்னணி நடிகர்களுடன் இணைந்து பல திரைப்படத்தில் வெற்றி களம்கண்டவர். இவர் பல்வேறு கதாபாத்திரத்தில் திறமையாக நடிக்கும் வல்லமை பெற்றவர். “கயல்” திரைப்படத்தின் மூலம் பிரபலமானதால் இவர் கயல் தேவராஜ் என்ற அடைமொழியை பெற்றார். மேலும் ‘சங்கத்தமிழன்’, ‘என் ஆளோட செருப்பை காணும்’, ‘இரண்டாம் கருத்து’ போன்ற படங்களில் முன்னணி கதாபாத்திரத்தில் நடித்துள்ளார்.
