கொளத்தூர் தொகுதியில் தமிழக வெற்றிக் கழகத்தின் வேட்பாளர் வி.எஸ்.பாபுவின் வெற்றியை எதிர்த்து திமுக தலைவர் மு.க.ஸ்டாலின் தாக்கல் செய்துள்ள வழக்கு குறித்து மூத்த பத்திரிகையாளர் ‘தராசு’ ஷியாம் மார்ஷல் மீடியா யூடியூப் சேனலுக்கு அளித்த பேட்டியில் விரிவாகப் பேசியுள்ளார். கொளத்தூர் தொகுதி விவாதம் மற்றும் மின்னணு வாக்குப்பதிவு இயந்திரக் கோளாறுகள் குறித்த வழக்கு என்பது அந்த ஒரு குறிப்பிட்ட தொகுதிக்கு மட்டுமே உரியதே தவிர, இதன் தாக்கம் தமிழகத்தின் பிற தொகுதிகளில் எதிரொலிக்கும் என்று கூற முடியாது என அவர் சுட்டிக்காட்டியுள்ளார்.
சட்டமன்றத்தில் அண்மையில் நடைபெற்ற குதிரை பேரம் குறித்த விவாதங்கள் 2011-ஆம் ஆண்டு வரலாற்றை நினைவூட்டுவதாக அவர் குறிப்பிட்டுள்ளார். அன்று அதிமுக – தேமுதிக கூட்டணியில் விரிசல் ஏற்பட்டபோது விஜயகாந்த் கட்சி எம்எல்ஏக்கள் சிலர் பிரிந்து அதிருப்தி உறுப்பினர்களாகச் செயல்பட்ட நிகழ்வு, 2026-இல் மீண்டும் உருவெடுத்துள்ளது. அன்று விஜயகாந்துக்கு நடந்த அரசியல் சூழ்நிலைகள் இன்று அதிமுகவிற்குத் திரும்பியுள்ளதாகவும், தவெகவில் இணையப் பதவி விலகிய எம்எல்ஏக்களுக்கு நீதிமன்றத்தின் இடைத்தேர்தல் தடை பெரும் குழப்பத்தையும் அதிர்ச்சியையும் ஏற்படுத்தியுள்ளதாகவும் அவர் தெரிவித்தார்.
இடைத்தேர்தல் முடிவுகள் குறித்துப் பேசிய தராசு ஷியாம், ஆளும்கட்சியைச் சேர்ந்தவர்கள் இடைத்தேர்தலில் தோற்பது ஒன்றும் புதிய விஷயமல்ல என்றார். எம்.ஜி.ஆர் மற்றும் கருணாநிதி ஆட்சிக்காலங்களிலேயே ஆளும்கட்சிகள் இடைத்தேர்தலில் தோல்வியைச் சந்தித்துள்ளன; ஆனால், அதுபோன்ற முடிவுகள் அப்போதைய ஆட்சிகளுக்கு எந்தவிதமான பாதிப்பையும் ஆபத்தையும் ஏற்படுத்தியதில்லை என்பதை அவர் தெளிவுபடுத்தியுள்ளார்.
இறுதியாக, மாநில அளவில் இருக்கும் ஒரு தலைவரை அகில இந்திய அளவிலான பிரதமர் வேட்பாளராக முன்னிறுத்துவது சாத்தியமில்லாத ஒன்று என்று ஷியாம் வலியுறுத்தினார். கடந்த 2014-ஆம் ஆண்டு ஜெயலலிதாவை “மோடியா, லேடியா” என அதிமுக முன்னிறுத்திப் பிரச்சாரம் செய்தபோதும் தேசிய அரசியலில் பெரிய மாற்றம் எதுவும் நிகழவில்லை. எனவே, விஜய்யை நாட்டின் பிரதமர் வேட்பாளராகச் சித்திரம்பது முழுக்க முழுக்க ரசிக மனோபாவமே தவிர வேறொன்றுமில்லை என்று அவர் தனது பேட்டியில் குறிப்பிட்டுள்ளார்.
டேராடூனின் படேல் நகரில் நிகழ்ந்த துணிகரக் கொள்ளை சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. மக்கள் நடமாட்டம் அதிகம் உள்ள…
மனைவியைப் பிரிந்து வாழ்ந்துவந்த ஆட்டோ ஓட்டுநரான ரமேஷ், பாபு என்பவரின் மகளோடு நட்பு பாராட்டி வந்துள்ளார். இந்தத் தொடர்பை பாபு…
சம்பல் மாவட்டம் பஹ்ஜோய் காவல் எல்லைக்குட்பட்ட பகுதியில், கூடுதல் வரதட்சணையாக மோட்டார் சைக்கிளும் தங்கச் சங்கிலியும் தராத காரணத்தால் ராதா…
வீட்டில் பரிசோதித்த கர்ப்பப் பரிசோதனை முடிவும் வயிறு பெரிதானதும் ஒரு தாய்க்குத் தன் பதின்ம வயது மகள் மீது தவறான…
மத்தியப் பிரதேசத்தின் ராய்சென் மாவட்டம், தேவரி வட்டாரத்தில் அமைந்துள்ள படாய் கிராமத்து நர்மதை ஆற்றங்கரையில், விளையாடிக்கொண்டிருந்த சிறுவர்கள் மண்ணைத் தோண்டியபோது…
பீகார் மாநிலம் பாட்னா அருகிலுள்ள பார் பகுதியில் தீபாவளி பண்டிகையன்று இரவு அதிர்ச்சிகரமான குற்றச்சம்பவம் ஒன்று நிகழ்ந்துள்ளது. வெகுநேரமாகியும் வீடு…