அடச்சீ… காதலனுடன் சேர்ந்து கணவனைத் தீர்த்துக்கட்டிய… மனைவிக்கு மரண தண்டனை… மீரட்டை உலுக்கிய கொடூர வழக்கில் அதிரடித் தீர்ப்பு…!

மீரட்டில் சிமெண்ட் நிரப்பப்பட்ட நீல நிற பீப்பாய்க்குள் சௌரப் ராஜ்புத்தின் உடல் பாகங்கள் சிதைக்கப்பட்டுக் கண்டெடுக்கப்பட்ட வழக்கில், முஸ்கான் ரஸ்தோகி மற்றும் சாஹில் சுக்லா ஆகியோருக்கு மரண தண்டனை விதிக்கப்பட்டுள்ளது. குற்றம் எந்தளவுக்குக் கொடூரமானது என்பதைச் சுட்டிக் காட்டியுள்ள நீதிமன்றம், இதனை ‘அரிதிலும் அரிதான’ வழக்காகக் கருதி இந்த அதிரடித் தீர்ப்பை வழங்கியுள்ளது. இக்கொலைச் சம்பவம் நடந்து ஒரு வருடத்திற்கும் மேலான நிலையில் தற்போது இந்தத் தீர்ப்பு வந்துள்ளது குறிப்பிடத்தக்கது.

இந்தக் கொலையில் நேரடிச் சம்மந்தம் மற்றும் கொடூரமான செயல் நிரூபிக்கப்பட்டதை அடுத்து இரு குற்றவாளிகளுக்கும் மரண தண்டனை தீர்ப்பளிக்கப்பட்டது. எனினும், சட்டப்படி இந்த மரண தண்டனை உடனடியாக நடைமுறைக்கு வராது; அலகாபாத் உயர் நீதிமன்றம் இதனை முறையாக விசாரித்து உறுதிப்படுத்தினால் மட்டுமே தண்டனை நிறைவேற்றப்படும்.

https://twitter.com/IndiaToday/status/2111408459224912227/video/1

சௌரப் ராஜ்புத் கொலை வழக்கு மாநிலம் முழுவதும் பெரும் அதிர்ச்சியையும் பரபரப்பையும் ஏற்படுத்திய நிலையில், தற்போது நீதிமன்றத்தின் இந்தத் தீர்ப்பு சமூகத்தில் மிகுந்த தாக்கத்தை ஏற்படுத்தியுள்ளது. குற்றவாளிகளுக்குக் கிடைத்துள்ள இந்த உச்சபட்ச தண்டனை, இதுபோன்ற கொடூரமான குற்றங்களில் ஈடுபடுபவர்களுக்கு ஒரு கடுமையான எச்சரிக்கையாக இருக்கும் என்று எதிர்பார்க்கப்படுகிறது.