450 படங்களுக்கு உயிர் கொடுத்த ‘தேவா’ மரணம்…. மருத்துவமனையில் கதறி அழுத ஸ்ரீகாந்த் தேவா…. பேரதிர்ச்சியில் ரசிகர்கள்….!

தமிழ் சினிமா உலகின் அடையாளமாகவும், கானா பாடல்களின் முன்னோடியாகவும் திகழ்ந்த பிரபல இசையமைப்பாளர் தேவா (76), உடல்நலக்குறைவு மற்றும் மாரடைப்பு காரணமாக சென்னையில் உள்ள தனியார் மருத்துவமனையில் இன்று காலமானார். கடந்த சில தினங்களாக வயோதிகம் மற்றும் உடல்நலக்கோளாறுகளால் பாதிக்கப்பட்டு வந்த அவர், திடீர் மாரடைப்பு ஏற்பட்டு மருத்துவமனைக்குக் கொண்டு செல்லப்பட்டார். அங்கு மருத்துவர்கள் தீவிர சிகிச்சை அளித்தும் பலனின்றி அவரது உயிர் பிரிந்தது. தந்தை இறந்த செய்தி கேட்டு மருத்துவமனையில் இருந்த அவரது மகன் ஸ்ரீகாந்த் தேவா கதறி அழுத சம்பவம் திரையுலகினர் மத்தியில் பெரும் சோகத்தை ஏற்படுத்தியுள்ளது.

கடந்த 1989 ஆம் ஆண்டு ‘மனசுக்கேத்த மகராசா’ படத்தின் மூலம் இசையமைப்பாளராக அறிமுகமான தேவா, ரஜினி, கமல், விஜய், அஜித் உள்ளிட்ட முன்னணி நடிகர்களின் படங்களுக்கு சூப்பர் ஹிட் பாடல்களை வழங்கி தமிழ் சினிமாவின் உச்சம் தொட்டவர். ‘அண்ணாமலை’, ‘பாட்ஷா’ போன்ற மாபெரும் வெற்றிப் படங்கள் உட்பட சுமார் 450-க்கும் மேற்பட்ட படங்களுக்கு இசையமைத்துள்ள இவர், தமிழ் மண்ணின் இசையான கானா பாடல்களைத் திரைப்படங்களில் பிரபலப்படுத்திய பெருமைக்குரியவர். தன்னுடைய தனித்துவமான குரலால் கோடிக்கணக்கான ரசிகர்களின் இதயங்களில் நீங்கா இடம்பிடித்த தேவா அவர்களின் மறைவு, தமிழ் இசை உலகிற்கு நிரப்ப முடியாத ஒரு பெரிய இழப்பாகும்.