தமிழ் சினிமாவில் மூன்று தலைமுறையாக சூப்பர்ஸ்டார் அந்தஸ்துடன் முன்னிலையில் இருப்பவர் நடிகர் ரஜினிகாந்த். இவர் நடிப்பில் இதுவரை வெளிவந்த பல திரைப்படம் சூப்பர்ஹிட் ஆகியுள்ளது. அப்படி மாபெரும் வெற்றியடைந்த படம் முரட்டுக்காளை. ஏ.வி.எம் நிறுவனத்தின் தயாரிப்பில் எஸ்.பி. முத்துராமன் இயக்கத்தில் பஞ்சு அருணாச்சலம் எழுத்தில் வெளியான இப்படம் ரஜினிகாந்தின் வெற்றிப் படங்களின் பட்டியலில் முன்னிலை வகித்தது.
ரஜினிகாந்த் கமர்ஷியல் ஹிட் படங்களின் லிஸ்ட் இதற்கு பிறகு தான் தொடங்கியது. ஜெய்சங்கர், ரதி அக்னிஹோத்ரி, சுமலதா, ஒய். ஜி. மாகேந்திரன், சுருளிராஜன், தேங்காய் ஸ்ரீநிவாசன் என பெரிய திரைபட்டாளமே இப்படத்தில் நடித்திருந்தது. இந்த படத்திற்கு இளையராஜா இசையமைத்திருந்தார். முரட்டுக்காளை திரைப்படத்தின் கிளைமாக்ஸ் காட்சியில் ரயில்வே ஸ்டேஷனில் சண்டை காட்சி இடம் பெற்று இருக்கும்.
இதற்காக ரயில் ஒன்றை வாடகைக்கு எடுத்து படமாக்கப்பட்டது. இதில் நடிகர் ரஜினிகாந்த் டூப் போடாமல் நடித்திருந்தார். இந்த சண்டை காட்சிக்கென்றே இத்திரைப்படம் பல நாட்கள் திரையரங்குகளில் ஓடியது. இந்த படத்தில் ஜெய்சங்கர் வில்லனாக நடிக்க, ஹீரோவுக்கு இணையான முக்கியத்துவம் அவருக்கு கொடுக்கப்பட்டிருக்கும். ரஜினிகாந்த் மற்றும் ஜெய்சங்கர் இருவரின் கேரியரில் முக்கிய திருப்புமுனையாக அமைந்த இத்திரைப்படம் வசூல் சாதனையும் படைத்தது.
இந்த படத்தில் ஜெய்ஷங்கரின் தங்கையாக நடித்த நடிகை சுமலதாவின் கேரக்டர் ரசிகர்களை வெகுவாக கவர்ந்தது. இந்நிலையில், நடிகை சுமலதாவின் லேட்டஸ்ட் புகைப்படங்கள் தற்பொழுது இணையத்தில் வெளியாகி வைரலாகி வருகிறது. இதைப்பார்த்த ரசிகர்கள் ‘அவரா இது..?’ என்று ஆச்சரியமாக கமெண்ட் செய்து வருகின்றனர்.
