ஜனநாயகத்தில் மக்களின் தீர்ப்பே இறுதியானது. 108 இடங்களில் வெற்றி பெற்றுள்ள தமிழக வெற்றிக் கழகத்தை (தவெக) ஆட்சியமைக்க அழைக்காமல், வெறும் ஒரு இடத்தில் மட்டுமே வெற்றி பெற்ற பாரதிய ஜனதா கட்சியை ஆளுநர் அழைக்க முடியுமா? ஆளுநரின் அதிகாரத்தை யாரும் கேள்வி கேட்க முடியாது என்று கூறுவது, மக்களின் அடிப்படை வாக்குரிமையை அவமதிக்கும் செயலாகும். இது போன்ற நடவடிக்கைகள் அரசியலமைப்புச் சட்டத்திற்குப் புறம்பானவை.
பிரதமர் மோடி மற்றும் அமித்ஷாவின் அழுத்தத்திற்குப் பணிந்து, தமிழ்நாட்டு மக்களின் தெளிவான தீர்ப்பை மாற்றி எழுத நினைப்பது மிகப்பெரிய வரலாற்றுத் தவறாகும். பெரும்பான்மை பலம் கொண்ட கட்சியைப் புறக்கணித்துவிட்டு, செல்வாக்கற்ற ஒரு கட்சிக்கு ஆட்சி அதிகாரத்தை வழங்க முயல்வது ஜனநாயகப் படுகொலைக்குச் சமம். மக்களின் விருப்பத்தை ஆளுநர் மதிக்க வேண்டுமே தவிர, டெல்லியின் அதிகார மையங்களுக்கு அடிபணியக் கூடாது என்று ஜோதிமணி தனது பதிவில் கடுமையாகச் சாடியுள்ளார்.