நாளை திரையரங்கில் வெளியாகும் திரைப்படங்கள்.. நீண்ட நாட்களுக்கு பிறகு வெற்றிவாகை சூடுவாரா ஹிப்பாப் ஆதி..?

தமிழ் சினிமாவில் இந்த வாரம் ஹிப்ஹாப் ஆதியின் பிடி சார் முதல் நீண்ட ஆண்டுகள் கழித்து மீண்டும் சினிமாவில் என்ட்ரி கொடுக்கப் போகும் நடிகர் ராமராஜனின் சாமானியம் படம் வரை இந்த வாரம் வெளியாக போகும் திரைப்படங்களின் லிஸ்ட் வெளியாகி இருக்கின்றது. தமிழ் சினிமாவில் இந்த ஆண்டு தொடங்கி முதல் ஐந்து மாதங்கள் முடிவடைய உள்ள நிலையில் தற்போது வரை சொல்லிக் கொள்ளும் அளவிற்கு மிகப்பெரிய ஹிட் என எந்த ஒரு திரைப்படமும் அமையவில்லை.

மலையாள சினிமாவில் சிறிய பட்ஜெட் படங்கள் கூட 100 கோடி, 200 கோடி என்று வசூல் சாதனை செய்து வரும் நிலையில் தற்போது வரை அரண்மனை 4 திரைப்படம் மட்டுமே சொல்லிக் கொள்ளும் அளவிற்கு வசூல் சாதனை செய்திருக்கின்றது, இந்நிலையில் இந்த வாரம் அதாவது நாளை திரையரங்குகளில் வெளியாகும் படங்களின் பட்டியல்களை பற்றி பார்ப்போம்.

 

சாமானியன் நீண்ட இடைவெளிக்கு பிறகு நடிகர் ராமராஜன் நடிப்பில் உருவாகி இருக்கும் திரைப்படம் சாமானியன். ஆக்சன் கலந்த திரில்லர் கதைக்களத்தில் உருவாகி இருக்கும் இப்படம் நாளை வெளியாக இருக்கின்றது. இப்படத்தில் ராமராஜனுடன் இணைந்து ராதாரவி, எம்எஸ் பாஸ்கரன் உள்ளிட்டோர் முக்கிய கதாபாத்திரத்தில் நடித்திருக்கின்றனர்.

அடுத்ததாக பிடி சார் நெஞ்சம் உண்டு நேர்மை உண்டு ஓடு ராஜா என்ற திரைப்படத்தை இயக்கிய கார்த்திக் வேணுகோபால் இயக்கத்தில் ஹிப்ஹாப் ஆதியின் நடிப்பில் உருவாகி இருக்கும் திரைப்படம் பிடி சார். வேல்ஸ் இன்டர்நேஷனல் நிறுவனம் சார்பாக ஐசரி கே கணேஷ் அவர்கள் தயாரித்திருக்கின்றார், இப்படம் நாளை திரையரங்குகளில் வெளியாக உள்ளது.

பகலறியான் எட்டுத்தொட்டாகள், ஜிவி போன்ற திரைப்படங்களின் மூலம் மக்கள் மத்தியில் வரவேற்பை பெற்ற நடிகர் வெற்றி. தற்போது இவரது நடிப்பில் பகலறியான் என்ற திரைப்படம் உருவாகி இருக்கின்றது. இப்படம் நாளை திரையரங்குகளில் வெளியாக இருக்கின்றது. சென்சார் பிரச்சினை காரணமாக வடக்கன் பட ரிலீஸ் அடுத்த மாதம் தள்ளி வைக்கப்பட்டுள்ளது. இந்த மூன்று படங்களும் நாளை வெளியாக உள்ள நிலையில் எந்த திரைப்படம் நல்ல வரவேற்பு கொடுக்கும் என்று பொறுத்திருந்து பார்ப்போம்.