சாலையில் அலைந்து திரிந்த எருது ஒன்று திடீரென குறுக்கே பாய்ந்ததில், அவ்வழியாக அதிவேகமாக வந்த இருசக்கர வாகன ஓட்டி தூக்கி வீசப்பட்டுப் பயங்கர விபத்துக்குள்ளானார். அதிர்ஷ்டவசமாக, இந்த கோர விபத்தில் பைக் ஓட்டி லேசான காயங்களுடன் நூலிழையில் உயிர் தப்பினார்.
சாலையில் சுற்றித்திரியும் காளைகள் மற்றும் தெரு விலங்குகளால் தொடர்ச்சியாக விபத்துகள் அரங்கேறி வரும் சூழலில், இவ்வீடியோ சமூக வலைதளங்களில் வெளியாகிப் பெரும் விவாதத்தை ஏற்படுத்தியுள்ளது. “வாகன ஓட்டிகள் மிதமான வேகத்தில் கவனமுடன் வாகனங்களை இயக்க வேண்டும்” எனப் பலர் வலியுறுத்தி வரும் அதே வேளையில், “சாலையில் விலங்குகளை அவிழ்த்துவிடும் உரிமையாளர்கள் மீது கடும் நடவடிக்கை எடுக்க வேண்டும்” என்றும் கோரிக்கைகள் வலுத்து வருகின்றன.