“‘என் மகனை காதலித்தால் இதை பண்ணு…” சிறுமியை மிரட்டிய மாணவனின் தாய்…. அடுத்து நடந்த விபரீதம்… சிக்கிய ஆடியோ ஆதாரம்…. பகீர் சம்பவம்…!!

குஜராத் மாநிலம் அகமதாபாத்தைச் சேர்ந்த 17 வயது பள்ளி மாணவன், தான் படிக்கும் பள்ளியில் 12-ஆம் வகுப்பு படிக்கும் மாணவியை காதலித்து வந்துள்ளான். பள்ளி வளாகத்தில் இருவரும் ஒன்றாக இருப்பதை பார்த்த பள்ளி முதல்வர், இருவரின் பெற்றோரையும் அழைத்து கண்டித்துள்ளார்.

இதனால் ஆத்திரமடைந்த மாணவனின் தாய் நேஹா, மாணவியின் வீட்டிற்குச் சென்று கடுமையான வாக்குவாதத்தில் ஈடுபட்டுள்ளார். அப்போது மாணவியிடம், “நீ என் மகனை உண்மையாகவே காதலித்தால், வீட்டில் யாரும் இல்லாத நேரத்தில் தூக்கு போட்டுக்கொண்டு இறந்துவிடு” என கொடூரமாகப் பேசியுள்ளார்.

இதனால் மன உளைச்சலுக்கு ஆளான மாணவி, வீட்டில் தூக்கிட்டு தற்கொலை செய்து கொண்டார். மாணவியின் பெற்றோர் அளித்த புகாரின் பேரில், சிசிடிவி காட்சிகள் மற்றும் செல்போன் ஆடியோ ஆதாரங்களை ஆய்வு செய்த காவல்துறையினர், மாணவியைத் தற்கொலைக்குத் தூண்டிய குற்றத்திற்காக நேஹாவைக் கைது செய்து சிறையில் அடைத்தனர்.