என்னை மன்னிச்சுடுடா செல்லம்… 18-வது மாடியில் இருந்து… 6 வயது மகனுடன் குதித்த தாய்… புனேவை உறைய வைக்கும் பேரதிர்ச்சி சம்பவம்…!

மகாராஷ்டிரா மாநிலம் புனேவில் உள்ள பிம்ப்ரி-சின்ச்வாட் பகுதியில் அமைந்துள்ள ஒரு அடுக்குமாடிக் குடியிருப்பில், 33 வயது பெண்ணான ஏக்தா பாங்டே மற்றும் அவரது 6 வயது மகன் மாதவ் பாங்டே ஆகியோர் 18-வது மாடியில் இருந்து விழுந்து உயிரிழந்த சம்பவம் பெரும் அதிர்ச்சியையும் சோகத்தையும் ஏற்படுத்தியுள்ளது. ராஜஸ்தானைச் சேர்ந்த இவர்களது குடும்பம் கடந்த இரண்டு ஆண்டுகளாக அக்குடியிருப்பில் வசித்து வந்த நிலையில், கணவர் வேலைக்குச் சென்றிருந்த நேரத்தில் இந்தத் துயரச் சம்பவம் நடந்துள்ளது.

சம்பவத்தன்று மாலை குடியிருப்புப் பகுதியில் திடீரென சத்தம் கேட்டு மக்கள் சென்று பார்த்தபோது, தாயும் மகனும் உயிரிழந்த நிலையில் கிடந்துள்ளனர். உடனடியாக அப்பகுதிவாசிகள் போலீசாருக்குத் தகவல் தெரிவித்தனர். தகவலின் பேரில் விரைந்து வந்த வாகாட் போலீசார், சம்பவ இடத்தைக் பார்வையிட்டு இருவரது உடல்களையும் மீட்டு பிரேதப் பரிசோதனைக்காக மருத்துவமனைக்கு அனுப்பி வைத்தனர்.

குடியிருப்பில் உள்ள கண்காணிப்பு கேமரா காட்சிகளை ஆய்வு செய்தபோது, ஏக்தா தனது மகனுடன் மின்தூக்கி மூலம் 18-வது தளத்திற்குச் சென்றது பதிவாகியுள்ளது. இந்தத் துயரச் சம்பவத்திற்கான உண்மையான காரணம் குறித்து இதுவரை அதிகாரப்பூர்வத் தகவல்கள் வெளியாகவில்லை என்றாலும், குடும்பப் பிரச்சினை அல்லது தனிப்பட்ட மன உளைச்சல் காரணமாக இந்த விபரீதம் நடந்திருக்கலாமா என்ற கோணத்தில் போலீசார் தீவிர விசாரணை நடத்தி வருகின்றனர்.