திக்… திக்… அந்த இரவில் என்ன நடந்தது?… இளைஞர் மரணத்தில் 10 பேர் கொண்ட கும்பலின்… திடுக்கிடும் பின்னணி… கர்நாடகாவில் நடந்த கொடூர சம்பவம்…!

கர்நாடக மாநிலம் உடுப்பி மாவட்டம் அஜ்ஜர்காட் மாவட்ட மருத்துவமனையில் தற்கொலை செய்துகொண்ட பிரதீப் என்ற இளைஞரின் மரணம் தொடர்பாக, பெர்டூரைச் சேர்ந்த அவரது சகோதரர் திலீப் குமார் நகர காவல் நிலையத்தில் புகார் அளித்துள்ளார். அந்தப் புகாரின் அடிப்படையில், பிரதீப்பைத் தற்கொலைக்குத் தூண்டியதாகக் குற்றம் சாட்டி ஸ்ரவ்யா ஷெட்டி, பிரசன்னா ஷெட்டி, சுதீர், சைலேஷ், ஷஷாங்க், கிருஷ்ணா, சுஜயா, சனத் மற்றும் அடையாளம் தெரியாத மற்றொரு மாநிலத்தைச் சேர்ந்த இரண்டு புலம்பெயர் தொழிலாளர்கள் உட்பட 10 பேருக்கும் மேற்பட்டோர் மீது காவல்துறையினர் வழக்குப் பதிவு செய்துள்ளனர்.

இந்தச் சம்பவம் குறித்துத் தீவிர விசாரணை நடத்தி வரும் காவல்துறையினர், பிரதீப் தற்கொலை செய்துகொள்வதற்கான உண்மையான பின்னணி மற்றும் காரணங்களை ஆராய்ந்து வருகின்றனர். குற்றஞ்சாட்டப்பட்டவர்களின் பின்னணி குறித்தும், அவர்களுக்கு இடையே இருந்த மோதல்கள் அல்லது முன்விரோதம் குறித்தும் பல்வேறு கோணங்களில் விசாரணைகள் முடுக்கிவிடப்பட்டுள்ளன.

https://twitter.com/HateDetectors/status/2117206923284303925/video/2

பிரதீப்பின் குடும்பத்தினரும் உறவினர்களும் இந்தத் துயரச் சம்பவத்தில் தொடர்புடைய அனைத்து நபர்களையும் உடனடியாகக் கைது செய்து கடுமையான நடவடிக்கை எடுக்க வேண்டுமெனக் கோரிக்கை விடுத்துள்ளனர். காவல்துறையினரின் இந்த விசாரணையின் முடிவில் கூடுதல் தகவல்கள் வெளியாகும் என்று எதிர்பார்க்கப்படுகிறது.