பகீர் சம்பவம்… தனியாக இருந்த பெண்ணை… பாலியல் வன்கொடுமை செய்ய முயற்சி… காதை அறுத்து நகைகளைப் பறித்துக் கழுத்தறுத்த கொடூரம்…!

சிவகங்கை மாவட்டம், மானாமதுரை சி.எஸ்.ஐ. பள்ளி வளாகப் பகுதியில் வசித்து வந்த வசந்த மல்லிகா (56) என்ற பெண், வீட்டில் தனியாக இருந்தபோது மர்ம நபரால் கழுத்தறுத்துக் கொடூரமாகக் கொலை செய்யப்பட்டார். அவர் அணிந்திருந்த 7 பவுன் தாலிச் சங்கிலி மற்றும் ஒரு பவுன் தங்கத் தோடு ஆகியவை கொள்ளையடிக்கப்பட்டன.

இச்சம்பவம் தொடர்பாகக் கைது செய்யப்பட்ட சுப்பையா (54) என்ற குற்றவாளி அளித்த வாக்குமூலத்தில் பல திடுக்கிடும் தகவல்கள் வெளியாகின. வசந்த மல்லிகாவைக் கொலை செய்வதற்கு முன்பு அவரைப் பாலியல் வன்கொடுமை செய்ய முயற்சி செய்ததாகவும், மேலும் காதில் இருந்த தோட்டைக் கழட்ட முடியாத ஆத்திரத்தில் அவரது காதை அறுத்து தோடுகளைப் பறித்ததாகவும் அவர் ஒப்புக்கொண்டுள்ளார்.

சம்பவம் குறித்துத் தீவிர விசாரணை நடத்திய தனிப்படை போலீசார், குற்றவாளி சுப்பையாவை 15 மணி நேரத்திற்குள் அதிரடியாகக் கைது செய்தனர். அவரிடமிருந்து பறிக்கப்பட்ட நகைகள் மீட்கப்பட்ட நிலையில், இக்கொலை சம்பவம் அப்பகுதியில் பெரும் அதிர்ச்சியையும் சோகத்தையும் ஏற்படுத்தியுள்ளது.