தமிழக வெற்றி கழக தலைவர் விஜய் நேற்று இரவு 7:30 மணிக்கு கரூரில் பிரச்சாரம் செய்யும் இடத்திற்கு வந்தடைந்தார். 12 மணிக்கு அவர் வருவார் என கூறப்பட்ட நிலையில் விஜய் வருவதற்கு தாமதம் ஏற்பட்டது. அவரை பார்ப்பதற்காக ஏராளமான மக்கள் கூடி இருந்தனர். இந்த நிலையில் விஜய் பேசிக்கொண்டிருந்த போது கூட்ட நெரிசலில் சிக்கி பலர் மயங்கி விழுந்தனர். இந்த கோர சம்பவத்தில் 10 குழந்தைகள், 17 பெண்கள், 9 ஆண்கள் என 39 பேர் உயிரிழந்தனர். 50க்கும் மேற்பட்டோர் மருத்துவமனையில் சிகிச்சை பெற்று வருகின்றனர். தேர்தல் சுற்று பயணத்தில் இவ்வளவு பேர் உயிரிழந்த சம்பவம் பெரும் அதிர்வலைகளை ஏற்படுத்தியுள்ளது.
இதனைத் தொடர்ந்து உயிரிழந்தவர்களுக்கு அரசியல் தலைவர்கள் மற்றும் நடிகர்கள் உள்ளிட்ட பலரும் இரங்கல் தெரிவித்து வருகிறார்கள். இந்நிலையில் கரூர் துயரத்தில் இறந்ததன் மகனை கட்டிப்பிடித்து கடைசியாக தாய் முத்தமிட்ட காட்சி பார்ப்பவர்களை சொல்ல முடியாத துயரத்தில் ஆழ்த்தியுள்ளது. பிள்ளையை பறிகொடுத்து விட்டு நெஞ்சில் அடித்துக் கொண்டு தவிக்கும் அந்த ஏழைத்தாய்க்கு எப்படி ஆறுதல் சொல்வது, யார் ஆறுதல் சொல்வது, கொள்ளி வைக்க வேண்டிய பிள்ளைக்கு ஒரு தாய் கொல்லி வைப்பது போன்ற பெரும் துயரம் யாருக்கும் வரக்கூடாது. இது போன்ற ஒரு சம்பவம் இனி யாருக்கும் நிகழக் கூடாது என இந்த சம்பவம் உணர்த்துகிறது.