“அவன் கூடவே இருக்கணும்…” பெற்ற மகளுக்கு கள்ளக்காதலனை கட்டாய திருமணம் செய்து வைத்த 42 வயது தாய்…. வெளியான திடுக்கிடும் தகவல்கள்…!!

திருவண்ணாமலை மாவட்டம் வந்தவாசி அருகே, தனது 18 வயது மகளைக் கடத்திச் சென்று தனது கள்ளக்காதலனுக்குக் கட்டாயத் திருமணம் செய்து வைத்த தாயின் செயல் பெரும் அதிர்ச்சியை ஏற்படுத்தியுள்ளது. கணவனை இழந்த 42 வயதான சித்ரா என்பவர், தனது சென்ட்ரிங் தொழிலாளி கந்தனுடன் இருந்த கள்ளத்தொடர்பை மறைக்கவும், அவருடனேயே இருக்கவும் இந்த விபரீத முடிவை எடுத்துள்ளார்.

கடந்த 13-ம் தேதி நள்ளிரவில் மகளின் வாயில் துணியை வைத்துத் திணித்து, வலுக்கட்டாயமாக அவரைக் கேரளாவுக்குக் கடத்திச் சென்றுள்ளனர். அங்குள்ள ஒரு தேயிலைத் தோட்டத்தில் வைத்து கந்தன் அந்த இளம்பெண்ணுக்குக் கட்டாயத் தாலி கட்டியதுடன், அவரைப் பலாத்காரமும் செய்துள்ளனர்.

தலைமறைவாக இருந்த இவர்களைச் செல்போன் சிக்னல் உதவியுடன் கேரளாவில் வைத்து மடக்கிப் பிடித்த காவல்துறையினர், பாதிக்கப்பட்ட பெண்ணை மீட்டுத் திருவண்ணாமலைக்கு அழைத்து வந்தனர். விசாரணையில், தனது தாயே இந்தக் கொடுமைகளுக்கு உடந்தையாக இருந்ததாக அந்தப் பெண் வாக்குமூலம் அளித்ததைத் தொடர்ந்து, சித்ரா மற்றும் அவரது கள்ளக்காதலன் கந்தன் ஆகியோர் மீது கடத்தல் மற்றும் பாலியல் வன்கொடுமை உள்ளிட்ட பல்வேறு பிரிவுகளில் வழக்குப் பதிவு செய்யப்பட்டுள்ளது.

தற்போது இருவரும் சிறையில் அடைக்கப்பட்டுள்ள நிலையில், மீட்கப்பட்ட பெண் அவரது மூத்த சகோதரியிடம் பாதுகாப்பாக ஒப்படைக்கப்பட்டுள்ளார். பெற்ற மகளின் வாழ்க்கையையே சீரழித்த தாயின் இந்த அத்துமீறல் அப்பகுதியில் மிகுந்த பரபரப்பை உண்டாக்கியுள்ளது.