இந்தியாவைப் பொறுத்த வரையில் வர்த்தகம் மற்றும் அரசியல் என்று அனைத்து துறைகளிலும் குடும்பங்கள் அல்லது வாரிசுகளின் ஆதிக்கம் உள்ளது. சினிமாவிற்கும் இது விதிவிலக்கு அல்ல. வெற்றிகரமான நடிகர்கள் மற்றும் தயாரிப்பாளர்கள் தங்களுடைய வாரிசுகளை சினிமா துறையில் களமிறக்கி அவர்கள் சினிமா குடும்பங்களாக மாறிவிடுகிறார்கள். இந்த நிலையில் சினிமா குடும்பங்களில் மிகவும் பணக்கார திரைப்பட குடும்பம் தெலுங்கு சினிமாவை சேர்ந்தது. இந்த குடும்பத்தின் சொத்து மதிப்பு பல மடங்கு அதிகம் என கூறப்படுகிறது. அதன்படி இந்த தெலுங்கு சினிமா குடும்பத்தில் நான்கு சூப்பர் ஸ்டார்கள் உள்ளனர்.
அதில் மெகா ஸ்டார் சிரஞ்சீவியும் ஒரு உறுப்பினர் ஆவார். தெலுங்கு சினிமா துறையில் மெகா குடும்பம் என்று அழைக்கப்படும் அல்லு – கொனிடேலா குடும்பத்தின் ஆதிக்கம் தான் அதிகமாக உள்ளது. இந்த மெகா குடும்பம் இந்தியாவின் மிக முக்கியமான திரைப்பட குடும்பங்களில் ஒன்றாக உள்ளது. கடந்த 1950 ஆம் ஆண்டு அல்லு ராமலிங்கய்யாவால் மெகா குடும்பம் உருவான நிலையில் அவருடைய பிள்ளைகள் மூலம் தெலுங்கு சினிமாவில் இந்த குடும்பம் வலுவாக தடம் பதித்தது என்று கூறலாம்.
இவரின் நான்கு பிள்ளைகளில் அரவிந்து ஒரு திரைப்பட தயாரிப்பாளராக உள்ளார். மகள் சுரேகா தெலுங்கு சூப்பர் ஸ்டார் ஆன சிரஞ்சீவியை திருமணம் செய்து கொண்டார். அல்லு ராமலிங்கய்யாவின் குடும்ப உறுப்பினர்களின் திருமணம் அவர்களுடைய வாரிசுகள் மூலம் தெலுங்கு சினிமாவிற்கு பல நட்சத்திரங்கள் கிடைத்தன. அதாவது ராம்சரண், அல்லு அர்ஜுன், நாகேந்திர பாபு, வருண் தேஜ் மற்றும் சாய் தரம் தேஜ் என பல நடிகர்கள் தெலுங்கு சினிமாவிற்கு கிடைத்தனர்.
மெகா குடும்பம் அவர்களை விட ஆட்டிவான நட்சத்திரங்களை கொண்ட கபூர் குடும்பத்தை காட்டிலும் அதிக சொத்து மதிப்பு கொண்டது. மெகா குடும்பத்தின் புகழ்பெற்ற உறுப்பினர்களுடைய சொத்து மதிப்பை மொத்தமாக பார்க்கும் போது 6000 கோடியாக உள்ளது. மேலும் இந்த குடும்பத்தில் நான்கு சூப்பர் சூப்பர் ஸ்டார்கள் உள்ளது குறிப்பிடத்தக்கது.