சமூக வலைதளங்களில் வைரலாகி வரும் ஒரு குரங்கின் வீடியோ, பெற்றோர்கள் தங்களது குழந்தைகளுக்கு எப்படி முன்மாதிரியாக இருக்க வேண்டும் என்ற மிக ஆழமான வாழ்வியல் பாடத்தை உணர்த்துவதாக அமைந்துள்ளது. “குழந்தைகள் நாம் சொல்வதைக் கேட்டு கற்றுக்கொள்வதை விட, நாம் செய்வதைப் பார்த்துதான் அதிகம் கற்றுக்கொள்கிறார்கள்” என்ற தத்துவத்தை இந்த வீடியோ மிக அழகாக நிருபித்துள்ளது.
அந்த வீடியோவில், தாய் குரங்கு ஒன்று செல்போனை எப்படி பிடித்து பயன்படுத்துவது என்பதை செய்து கட்டா அதை மிகக் கூர்மையாகக் கவனிக்கும் குட்டிக் குரங்கு, தன் தாயைப் போலவே அப்படியே நகலெடுத்து அந்த வேலையைச் செய்ய முயற்சிக்கிறது. நாம் குழந்தைகளுக்குக் காட்டும் வழியும், நம்முடைய அன்றாடச் செயல்பாடுகளுமே அவர்களின் எதிர்காலப் பழக்கவழக்கங்களை வடிவமைக்கின்றன என்பதை இந்த எளிய விலங்கின வீடியோ மனிதர்களுக்குப் பாடமாக உணர்த்துகிறது.
இந்த வீடியோ இணையத்தில் காட்டுத்தீயாகப் பரவி வரும் நிலையில், பல லட்சக்கணக்கான பெற்றோர்கள் மற்றும் இணையவாசிகள் தங்களது கருத்துக்களைப் பகிர்ந்து வருகின்றனர். “வார்த்தைகளால் சொல்லித் தருவதை விட, நல்ல செயல்கள் மூலம் முன்மாதிரியாக வாழ்ந்து காட்டுவதே சிறந்த வளர்ப்பு முறை (Parenting)” எனப் பலரும் நெகிழ்ச்சியுடன் பதிவிட்டு, இந்த வீடியோவைப் பகிர்ந்து வருகின்றனர்.