நடிகர் ரஜினிகாந்த் வேட்டையன் படத்தின் வெற்றிக்கு பிறகு லோகேஷ் கனகராஜ் இயக்கியத்தில் கூலி திரைப்படத்தில் நடித்து முடித்துள்ளார். இந்த திரைப்படத்தில் ரஜினியுடன் இணைந்து நாகர்ஜுனா, உபேந்திரா, சத்யராஜ், ஸ்ருதிஹாசன் என மிகப் பெரிய நட்சத்திர பட்டாளமே நடித்துள்ளனர். அதேசமயம் கேமியோ ரோலில் பாலிவுட் நடிகர் அமீர்கான் நடித்துள்ளார். இந்தத் திரைப்படத்திற்கு அனிருத் இசை அமைத்துள்ள நிலையில் பூஜா ஹெக்டே சிறப்பு பாடல் ஒன்றில் நடனமாடியுள்ளார். தங்க கடற்கரை மையமாகக் கொண்டு உருவாக்கப்பட்டுள்ள இந்த திரைப்படம் வருகின்ற ஆகஸ்ட் 14ஆம் தேதி வெளியாக உள்ளது.
இப்படியான நிலையில் படத்தின் முதல் பாடலான சிக்கிட்டு என்ற பாடல் சமீபத்தில் வெளியாகி ரசிகர்கள் மத்தியில் நல்ல வரவேற்பை பெற்றது. இந்நிலையில் பூஜா ஹெக்டே சிறப்பு நடனமாடியுள்ள மோனிகா என்ற பாடல் தற்போது வெளியாகியுள்ளது.