பழைய வாஷிங் மெஷினில் அடித்த லாட்டரி…! உள்ளே கை வைத்தால் கட்டுக்கட்டாக வந்த பண நோட்டுகள்… வைரலாகும் ஷாக்கிங்க் வீடியோ..!!

பழைய பொருட்களை மலிவு விலையில் வாங்கிப் பயன்படுத்துவது பலரின் வழக்கம். அந்த வகையில், ஒரு நபர் செகண்ட் ஹேண்ட் (Second-hand) முறையில் பழைய துணி உலர்த்தும் இயந்திரம் (Dryer) ஒன்றை வாங்கியுள்ளார். வீட்டிற்கு எடுத்து வந்து அந்த இயந்திரத்தைச் சோதித்துப் பார்த்தபோது, அதனுள் கட்டுக்கட்டான பணத்தாள்கள் மறைத்து வைக்கப்பட்டிருந்ததைக் கண்டு அவர் பெரும் அதிர்ச்சியும் மகிழ்ச்சியும் அடைந்தார்.

இது தொடர்பான வீடியோ சமூக வலைதளங்களில் வெளியாகி வைரலாகி வருகிறது. அதில், அந்த நபர் இயந்திரத்தின் அடிப்பகுதியில் உள்ள ஒரு மறைவான இடத்தைத் திறக்கும்போது, அங்கு அடுக்கி வைக்கப்பட்டிருந்த டாலர் நோட்டுகளை எடுக்கிறார். துணிகளை உலர்த்தும் இயந்திரத்தில் இவ்வளவு பெரிய தொகை இருக்கும் என்று அவர் சற்றும் எதிர்பார்க்கவில்லை. “நிஜமாகவே அவருக்கு லாட்டரி அடித்துவிட்டது” என்று இந்த வீடியோவைப் பார்த்த நெட்டிசன்கள் கருத்து தெரிவித்து வருகின்றனர்.

முன்னதாக இந்த இயந்திரத்தைப் பயன்படுத்தியவர்கள், பணத்தைப் பாதுகாப்பாக வைக்க நினைத்து அதனுள் மறைத்து வைத்திருக்கலாம் என்றும், பின்னர் அதை மறந்து அப்படியே விற்றிருக்கலாம் என்றும் கருதப்படுகிறது. எதிர்பாராத விதமாக இந்தக் கட்டற்ற செல்வம் கிடைத்த அந்த நபர், “வாஷிங் மெஷினில் லாட்டரி வென்ற சகோதரர்” எனச் சமூக வலைதளங்களில் பிரபலமாகி வருகிறார்.