தெலங்கானா மாநிலம் ஐதராபாத்தில், 21 வயதான யூடியூபர் போனு கோமலி தற்கொலை செய்துகொண்ட சம்பவம் பெரும் சோகத்தை ஏற்படுத்தியுள்ளது. ஆந்திராவின் விசாகப்பட்டினத்தைச் சேர்ந்த இவர், ஐதராபாத்தில் தங்கி பி.எஸ்சி படித்துக்கொண்டே சமூக வலைதளங்களில் ஆக்டிவ்வாக இருந்து வந்தார். கடந்த மூன்று ஆண்டுகளாக இளைஞர் ஒருவரை உயிருக்கு உயிராகக் காதலித்து வந்த நிலையில், இருவருக்கும் இடையே ஏற்பட்ட கருத்து வேறுபாட்டால் அந்த இளைஞர் கோமலியை விட்டுப் பிரிந்து சென்றதாகக் கூறப்படுகிறது. இந்த ‘பிரேக்-அப்’ துயரத்தைத் தாங்க முடியாமல் மன உளைச்சலில் இருந்த கோமலி, தனது தாயாருக்கு “ஐ லவ் யூ சோ மச்” என்று உருக்கமாக மெசேஜ் அனுப்பிவிட்டு, தனது காதலனை கடைசி முறையாகப் பார்க்க வீட்டிற்கு வரவழைத்துள்ளார்.
காதலன் வந்து சென்ற அடுத்த சில நிமிடங்களிலேயே கோமலி விபரீத முடிவெடுத்து தனது உயிரை மாய்த்துக் கொண்டது பலத்த சந்தேகங்களை எழுப்பியுள்ளது. தகவல் அறிந்து வந்த போலீசார், சடலத்தைக் கைப்பற்றி பிரேதப் பரிசோதனைக்கு அனுப்பி வைத்ததோடு, சந்தேக மரணம் என வழக்குப் பதிவு செய்து தீவிர விசாரணை நடத்தி வருகின்றனர். ஒரு துடிப்பான இளம் யூடியூபரின் வாழ்வு காதல் தோல்வியால் இப்படி பாதியிலேயே முடிந்து போனது அவரது ரசிகர்கள் மற்றும் உறவினர்களிடையே பெரும் அதிர்வலையை ஏற்படுத்தியுள்ளது. காதலன் வந்து சென்ற பிறகு என்ன நடந்தது? தற்கொலைக்குத் தூண்டிய காரணங்கள் என்ன? என்பது போன்ற மர்மங்கள் போலீஸ் விசாரணையின் முடிவிலேயே வெளிச்சத்திற்கு வரும்.