ரேஷனில் பொருள் வாங்க சில்லறை இல்லையா..? வந்துவிட்டது “மொபைல் முத்தம்மா”.. இனி எல்லாமே ஈஸி மக்களே..!!

பொது விநியோகத் திட்டத்தின் கீழ் உள்ள குடும்ப அட்டை எனப்படும் ரேஷன் அட்டை என்பது ஒவ்வொரு குடிமகனுக்கும் மிக முக்கியமான ஆவணமாகும். ரேஷன் அட்டை என்ற இந்த குடும்ப அட்டையை பயன்படுத்தி ஏழை எளிய குடும்பங்களை சேர்ந்தவர்களுக்கு அரிசி மற்றும் சர்க்கரை உள்ளிட்ட அத்தியாவசிய பொருள்கள் ரேஷன் கடைகள் மூலமாக வழங்கப்படுகின்றன. அதே சமயம் அரசு வழங்கக்கூடிய பல நிதி உதவிகளும் ரேஷன் கார்டு பயனாளிகளுக்கு தான் கிடைக்கிறது. எனவே ரேஷன் அட்டை என்பது மிக முக்கியமான அடையாள ஆவணமாக கருதப்படுகிறது.

இந்நிலையில்  ரேஷன் கடையில் பொருள்கள் வாங்குவதற்கு சரியான சில்லறை இல்லாமல் கஷ்டப்படுறீங்களா? இதற்கு தீர்வு காண்பதற்காக ‘மொபைல் முத்தம்மா திட்டம்’ அறிமுகம் செய்யப்பட்டுள்ளது. இந்த திட்டத்தின் கீழ் பொருள் வாங்கும் போது ரொக்கமாக செலுத்தாமல், வாடிக்கையாளர்கள் ரேஷன் கடையில் உள்ள QR code-ஐ  தங்களது மொபைலில் ஸ்கேன் செய்து பணப் பரிவர்த்தனை செய்யலாம். பணம் அரசின் கணக்கிற்கு நேரடியாக செலுத்தப்படுவதால்  இதன்மூலம் முறைகேடுகளும் தடுக்கப்படும்.