ஐயோ கொடுமையே… மாயமான 16 வயது சிறுமி சடலமாக மீட்பு… கொடூர பாலியல் வன்கொடுமையா?… காவல்துறை அலட்சியத்தால் வெடித்த போராட்டம்… உ.பி -யில் பரபரப்பு…!

உத்தரப் பிரதேசத்தின் சீதாபூர் மாவட்டம் சங்கர்பூர் கிராமத்தில் 16 வயது சிறுமி சப்ரீன் பானோ மரணமடைந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. கடந்த ஆகஸ்ட் 11 மாலை சிறுமி மாயமானதைத் தொடர்ந்து, குடும்பத்தினர் உடனே காவல்துறைக்கு தகவல் தெரிவித்தும் அவர்கள் சரியான நேரத்தில் எவ்வித நடவடிக்கையும் எடுக்கவில்லை என்று குற்றம் சாட்டப்படுகிறது.

தாமதத்திற்குப் பிறகு, ஆகஸ்ட் 14 அன்றுதான் காவல் துறையினர் எஃப்.ஐ.ஆர் பதிவு செய்தனர்; துரதிர்ஷ்டவசமாக அதே நாளிலேயே சிறுமியின் உடல் மரத்தில் தொங்கிய நிலையில் சந்தேகத்திற்கிடமான முறையில் கண்டெடுக்கப்பட்டது. இதனால், காவல்துறையின் மெத்தனப்போக்கே இந்த அசம்பாவிதத்திற்கு முக்கியக் காரணம் என பொதுமக்கள் மற்றும் குடும்பத்தினர் கொந்தளித்துள்ளனர்.

https://twitter.com/muchatlu_/status/2088599644724957240/video/1

சிறுமியைக் கடத்தி, பாலியல் வன்கொடுமை செய்து கொலை செய்துள்ளதாக குடும்பத்தினர் தீவிரமாகக் குற்றம் சாட்டுகின்றனர். இந்த விவகாரத்தில் காவல்துறையின் அலட்சியப் போக்கு குறித்து முறையான விசாரணை நடத்தி சம்பந்தப்பட்ட அதிகாரிகள் மீது நடவடிக்கை எடுக்க வேண்டும் என்றும், குற்றவாளிகளை உடனடியாகக் கைது செய்து நடுநிலையான விசாரணை நடத்த வேண்டும் என்றும் அவர்கள் வலியுறுத்துகின்றனர்.