“பல்டி பழனிச்சாமி”ன்னு பெயரை மாத்திக்கோங்க.. கொள்ளிக்கட்டையை எடுத்து எதுக்கு தலைய சொரியணும்.. இபிஎஸ்-ஐ தாக்கிய சேகர்பாபு..!

கோவில் உண்டியலில் போடப்படும் பணத்தில் இருந்து கல்லூரிகள் கட்டுவதற்கு எதற்காக செலவு செய்ய வேண்டும் என்று அதிமுக பொதுச்செயலாளர் எடப்பாடி பழனிச்சாமி பேசியது சர்ச்சையை கிளப்பியது. இதனைத் தொடர்ந்து அறநிலையத்துறை நிதியிலிருந்து கல்லூரி ஆரம்பித்தால் மாணவர்களின் தேவைக்கான நிதி கிடைக்காது என்பதால் அந்த கருத்தை கூறியதாக பிறகு விளக்கம் அளித்தார். இப்படி என்ன நிலையில் எதிர்க்கட்சித் தலைவர் எடப்பாடி பழனிசாமி தன்னுடைய பெயரை பல்டி பழனிச்சாமி என மாற்றிக் கொள்ளலாம் என்று அமைச்சர் சேகர்பாபு விமர்சித்துள்ளார்.

இது தொடர்பாக செய்தியாளர்களை சந்தித்து பேசிய சேகர் பாபு, கோவில் பணத்தில் கல்லூரி கட்டுவது சதி செயல் என்று பேசிவிட்டு தற்போது மாற்றி பேசுவதா? எதிர்க்கட்சித் தலைவர் எடப்பாடி பழனிச்சாமி தனது பெயரை பல்டி பழனிசாமி என மாற்றிக் கொள்ளலாம். அவர் திமுகவை மட்டுமல்ல அவரது கட்சி தலைவர்களான எம்ஜிஆர் மற்றும் ஜெயலலிதாவையும் விமர்சிக்கிறார். கொள்ளிக்கட்டையை எடுத்து தலையை சொரியும் வேளையில் எடப்பாடி பழனிச்சாமி இறங்கியுள்ளார் என சேகர்பாபு விமர்சித்துள்ளார்.