உப்பு தீபம் ஏற்றி வழிபாடு செய்வது ஏன்…? மறந்தும் இந்த தவறை செஞ்சுடாதீங்க…!

பொதுவாக விளக்கு ஏற்றுவது வீட்டில் இருள் நீங்கி மகிழ்ச்சி உண்டாகும் என்று நம்பப்படுகிறது. அதிலும் உப்புதீபம் ஏற்றுவது விசேஷமான ஒன்றாகும். ஆனால் இந்த உப்பு தீபத்தை எப்படி ஏற்றுவது எந்த தினத்தில் ஏற்றுவது என்பதை பற்றிய சந்தேகங்கள் உங்களுக்கு இருக்கலாம். அதனால் இந்த உப்பு தீபத்தை பற்றி விரிவாக இனி காண்போம்.

உப்பு மகாலட்சுமியின் அம்சமாக கருதப்படுவதால் உப்பு தீபம் ஏற்றுவதால் மகாலட்சுமியின் அருள் கிடைக்கும் என்பது ஐதீகம். இந்த உப்பு தீபத்தை ஏற்றுவதற்கு ஒரு சில நாட்கள் உள்ளது. உப்பு தீபம் ஏற்ற உகந்த நாட்கள் வெள்ளிக்கிழமை மற்றும் பௌர்ணமி தினம் மட்டுமே. மற்ற தினங்களில் உப்பு தீபம் ஏற்றுவது கூடாது.

உப்பு தீபம் ஏற்றி வைத்து வழிபட்டால் தொழில் தடை, வருமானத் தடை, பதவி உயர்வு கிடைப்பதில் இருக்கும் தடைகள், நினைத்த வேலை அப்படியே கிடைக்கும், மனதில் நினைத்த விஷயங்கள் நடைபெறாமல் தடைப்பட்டு கொண்டே செல்கிறதே என்று நினைப்பவர்கள் இந்த உப்பு தீபத்தை ஏற்றி வழிபாடு செய்தால் 48 நாட்களுக்குள் நினைத்தது நடக்கும் என்பது நம்பிக்கை.

உப்பு தீபம் ஏற்றுவதற்கு முதலில் ஒரு தாம்பூலத்தில் அல்லது பெரிய அகல் விளக்கில் கல் உப்பை பரப்பிக் கொள்ள வேண்டும். அதற்கு மேலே சிறிய அகல் விளக்கு ஒன்றை வைத்து அதில் நல்லெண்ணெய் அல்லது நெய் ஊற்றி பஞ்சு திரி போட்டு விளக்கேற்றி மனதார வழிபட வேண்டும். இந்த உப்பு தீபத்தை ஏற்றி வழிபடுவதன் மூலம் பணக்கஷ்டம், கடன் பிரச்சினை, சண்டை சச்சரவுகள், சங்கடங்கள் போன்றவை நீங்கி வாழ்வில் வளம் பெறலாம்.