கர்நாடகா மாநிலத்தில் உள்ள ஒரு கிராமத்தில், திருமணத்திற்குப் பின் கணவரைப் பிரிந்து தனியாக வசித்து வந்த பெண்ணின் வீட்டில் நள்ளிரவில் அரங்கேறிய முக்கோணக் காதல் விவகாரம் பெரும் பரபரப்பை ஏற்படுத்தியுள்ளது. கணவரைப் பிரிந்த அப்பெண், தனது முன்னாள் காதலருடன் தொடர்ந்து பழகி வந்த அதே வேளையில், புதிதாக மற்றொரு ஆண் நண்பருடனும் பழகி வந்துள்ளார். சம்பவத்தன்று இரவு அப்பெண்ணின் வீட்டிற்கு அவரது முன்னாள் காதலன் வந்திருந்த நிலையில், எதிர்பாராத விதமாகப் புதிய ஆண் நண்பரும் அங்கு வந்துள்ளார். நள்ளிரவு நேரத்தில் இரு ஆண்களும் நேருக்கு நேர் சந்தித்ததால், “நான் பழகும் பெண்ணின் வீட்டிற்குள் இந்த நேரத்தில் நீ எப்படி வரலாம்?” என அவர்களுக்குள் கடும் வாக்குவாதம் வெடித்து, கிராமத்தையே அதிரவைத்துள்ளது.
இருவருக்கும் இடையே ஏற்பட்ட வாக்குவாதம் எல்லை மீறிய நிலையில், ஆத்திரமடைந்த புதிய ஆண் நண்பர் தான் மறைத்து வைத்திருந்த கூர்மையான ஆயுதத்தை எடுத்து முன்னாள் காதலனை வெறித்தனமாகக் குத்தியுள்ளார். இதில் பலத்த காயமடைந்து ரத்த வெள்ளத்தில் சரிந்த முன்னாள் காதலனை, சத்தம் கேட்டு ஓடிவந்த அக்கம் பக்கத்தினர் மீட்டு உடனடியாக உள்ளூர் மருத்துவமனையிலும், பின்னர் மேல் சிகிச்சைக்காக அரசு மருத்துவமனையிலும் அனுமதித்தனர். இச்சம்பவம் குறித்து வழக்குப் பதிவு செய்துள்ள உள்ளூர் போலீசார், நள்ளிரவில் பயங்கர தாக்குதலை நடத்திவிட்டுத் தப்பியோடிய அந்தப் புதிய ஆண் நண்பரைத் தீவிரமாகத் தேடி வருகின்றனர்.