தமிழக சட்டமன்றத் தேர்தல் களம் சூடுபிடிக்கத் தொடங்கியுள்ள நிலையில், திமுக கூட்டணியில் தொகுதிப் பங்கீட்டை முறைப்படுத்த மதிமுக பொதுச்செயலாளர் வைகோ அதிரடி நடவடிக்கையை மேற்கொண்டுள்ளார். அக்கட்சியின் அவைத்தலைவர் அர்ஜுனராஜ் தலைமையில் செந்திலதிபன், சு.ஜீவன் மற்றும் வி.சேஷன் ஆகியோர் அடங்கிய நான்கு பேர் கொண்ட உயர்மட்டக் குழுவை அவர் அறிவித்துள்ளார். கடந்த காலங்களில் நிலவிய சூழலைத் தவிர்த்து, இந்த முறை கூட்டணியில் தங்களுக்கு உரிய முக்கியத்துவத்தைப் பெற வேண்டும் என்பதில் மதிமுக உறுதியாக இருப்பதை இந்தக் குழுவின் அறிவிப்பு உணர்த்துகிறது. கு
றிப்பாக, வரவிருக்கும் தேர்தலில் 12 தொகுதிகள் வரை கோருவதோடு, ‘உதயசூரியன்’ சின்னத்திற்குப் பதிலாக மதிமுகவின் தனிச் சின்னத்திலேயே போட்டியிட வேண்டும் என்ற தொண்டர்களின் நீண்டகால கோரிக்கையை இந்தக் குழு முன்வைக்கவுள்ளது. கடந்த தேர்தலில் திமுக சின்னத்தில் போட்டியிட்டது கட்சிக்குச் சில சங்கடங்களை ஏற்படுத்தியதாகக் கருதப்படும் நிலையில், இந்த முறை தனது தனித்துவத்தை நிலைநாட்ட மதிமுக மல்லுக்கட்டும் என எதிர்பார்க்கப்படுகிறது. அர்ஜுனராஜ் தலைமையிலான இக்குழு, திமுகவிடம் பேசி தங்களுக்குச் சாதகமான முடிவை எட்டும் என்ற எதிர்பார்ப்பு அக்கட்சியினரிடையே பெரும் ஆர்வத்தைத் தூண்டியுள்ளது.