உத்தரப் பிரதேச மாநிலம் பஹ்ரைச் மாவட்டத்தில் உள்ள கலேபூர் கிராமத்தில் நடைபெற்ற திருவிழா பொருட்காட்சியில், கடல் கன்னி போன்ற வேடமணிந்து பெண் ஒருவர் தண்ணீரில் சாகசம் செய்யும் நிகழ்ச்சி ஏற்பாடு செய்யப்பட்டிருந்தது. குழந்தைகளையும் பொதுமக்களையும் கவரும் வகையில் நடத்தப்பட்ட இந்த சாகசத்தை நேரில் காண பெருமளவிலான மக்கள் ஆர்வத்துடன் கூடியிருந்தனர்.
நிகழ்ச்சி நடந்து கொண்டிருந்த வேளையில், அளவுக்கு அதிகமான நீர் அழுத்தத்தைத் தாங்க முடியாமல் ஆயிரக்கணக்கான லிட்டர் தண்ணீர் நிரம்பியிருந்த பிரம்மாண்ட கண்ணாடித் தொட்டி பயங்கர சத்தத்துடன் திடீரென உடைந்து சிதறியது. இதனால் அதிலிருந்த நீர் பெருக்கெடுத்து ஓடியதுடன், கூர்மையான கண்ணாடித் துண்டுகள் சுற்றிலும் நின்றிருந்தவர்கள் மீது பாய்ந்தன. இதில் முன்பக்க வரிசையில் நின்று வேடிக்கை பார்த்துக் கொண்டிருந்த 4 சிறுவர்கள் உட்பட மொத்தம் 15 பேர் பலத்த வெட்டுக் காயங்களுக்கு உள்ளாகி உடனடியாக மருத்துவமனையில் அனுமதிக்கப்பட்டனர்.
தகவலறிந்து சம்பவ இடத்திற்கு விரைந்த காவல்துறையினர் நடத்திய முதற்கட்ட விசாரணையில், எவ்வித முறையான பாதுகாப்பு ஏற்பாடுகளும் இன்றி, மாவட்ட நிர்வாகத்தின் உரிய அனுமதியைப் பெறாமல் இந்த அபாயகரமான சாகச நிகழ்ச்சி நடத்தப்பட்டது தெரியவந்தது. விபத்து தொடர்பாக பாதுகாப்பு விதிமுறைகளை மீறியதாக நிகழ்ச்சி ஏற்பாட்டாளர்கள் தரப்பைச் சேர்ந்த நான்கு நபர்களைப் போலீசார் கைது செய்து தீவிர விசாரணை மேற்கொண்டு வருகின்றனர்.
பெங்களூருவில் குடும்பத் தகராறு காரணமாக ஒரே குடும்பத்தைச் சேர்ந்த 7 பேர் கொடூரமாகக் கொலை செய்யப்பட்டுக் கிடந்த சம்பவம் ஒட்டுமொத்த…
விழுப்புரம் மாவட்டம் செஞ்சி வட்டம் ஆலம்பூண்டி குளக்கரை தெருவைச் சேர்ந்த கூலித் தொழிலாளி வடிவேலு - பவானி தம்பதியின் 7…
ராஜஸ்தான் மாநிலம் உதய்பூரில், சினிமா பாணியிலான துணிகரக் கொள்ளைச் சம்பவம் ஒன்று அப்பகுதி மக்களை பெரும் அதிர்ச்சியில் ஆழ்த்தியுள்ளது. வீட்டின்…
கடந்த 16 ஆண்டுகளாக திராவிடக் கட்சிகளான திமுக மற்றும் அதிமுகவை கொள்கை ரீதியாகவும் அரசியல் ரீதியாகவும் கடுமையாக விமர்சித்து வந்த…
கோவையில் ரூ.300 கோடியில் அமைக்கப்பட்டு கடந்த மாதம் திறக்கப்பட்ட 'பெரியார் அறிவுலகம்' நூலகத்திற்கான புத்தகக் கொள்முதலில் மாபெரும் ஊழல் நடந்துள்ளதாக…
கம்மம் நகரில் தனியார் கல்லூரி ஒன்றில் மூன்றாம் ஆண்டு பட்டப்படிப்பு படித்து வந்த ஜஸ்வந்த் தேஜா என்ற மாணவர், தனது…