அமேசான் நிறுவனம் தனது 30 ஆண்டுகால வரலாற்றிலேயே இல்லாத மிகப்பெரிய பணிநீக்க நடவடிக்கையை மேற்கொண்டுள்ளது. நிறுவனத்தின் செயல்பாடுகளைச் சுறுசுறுப்பாக்கும் நோக்கத்துடன், சுமார் 30,000 கார்ப்பரேட் பணியிடங்களைக் குறைக்கத் திட்டமிட்டுள்ளதாகத் தலைமைச் செயல் அதிகாரி (CEO) ஆண்டி ஜாஸ்ஸி விளக்கம் அளித்துள்ளார். நிர்வாகத்தில் உள்ள தேவையற்ற அடுக்குகளை நீக்குவதே இதன் முக்கியக் குறிக்கோள் என்றும் அவர் தெரிவித்துள்ளார்.
இந்த மாபெரும் பணிநீக்க நடவடிக்கை இரண்டு கட்டங்களாக நடைபெறுகிறது. முதற்கட்டமாக, கடந்த அக்டோபர் 2025-ல் சுமார் 14,000 ஊழியர்கள் பணியிலிருந்து நீக்கப்பட்டனர். எஞ்சிய 16,000-க்கும் மேற்பட்ட ஊழியர்கள் வரும் ஜனவரி 27, 2026-ம் தேதி முதல் பணிநீக்கம் செய்யப்பட உள்ளனர். இது உலகளாவிய தொழில்நுட்பத் துறையில் பெரும் அதிர்வலைகளை ஏற்படுத்தியுள்ளது.