நடிகர் விஜய் தேவரகொண்டாவுடனான தனது தனிப்பட்ட வாழ்க்கை மற்றும் காதல் குறித்து சமூக வலைதளங்களில் தொடர்ச்சியாக எழுந்து வரும் வதந்திகளுக்கும் விமர்சனங்களுக்கும் நடிகை ராஷ்மிகா மந்ததிடமாகப் பதிலளித்துள்ளார். தனது கடினமான காலங்களில் உறுதுணையாக நின்றவர் விஜய் தேவரகொண்டா மட்டுமே என்று குறிப்பிட்ட அவர், தன் மீது மற்றும் தனது குடும்பத்தினர் மீது வைக்கப்படும் தேவையற்ற விமர்சனங்கள் பெண்ணியம் ஆகாது என்றும், அது வெளிப்படையான வன்முறை மற்றும் துன்புறுத்தல் (Bullying) என்றும் கடுமையாகக் கண்டித்துள்ளார்.
தங்கள் வாழ்க்கையை எப்படி வாழ வேண்டும், யாருடன் பயணிக்க வேண்டும் என்பதைத் தீர்மானிக்கும் முழு உரிமை தங்களுக்கே உண்டு என்று திட்டவட்டமாகத் தெரிவித்துள்ள ராஷ்மிகா, பொதுவெளியில் தன்னை விமர்சிப்பதை ஏற்றுக்கொள்வதாகவும், ஆனால் எந்தவித ஆதாரமும் இன்றி குடும்பத்தை இழுப்பது ஏற்புடையதல்ல என்றும் கூறியுள்ளார். மேலும், தங்களின் காதலைப் புரிந்து கொள்ள முடியாதவர்கள் தங்களுக்குப் பிடித்தமான வாழ்க்கையில் கவனம் செலுத்தலாம் என்றும் அறிவுறுத்தியுள்ளார்.
காதல் மற்றும் திருமணம் குறித்துப் பேசிய அவர், தன்னை மிக ஆழமாக நேசிக்கும் ஒருவரைத் துணையாகக் கண்டடைவதே உண்மையான பேறு என்றார். திருமணம் கடந்தும் கூட அவரை மீண்டும் மீண்டும் திருமணம் செய்துகொள்ளத் தோன்றும் அளவுக்கு அந்தப் பிணைப்பு இருக்க வேண்டும் என்று குறிப்பிட்ட ராஷ்மிகா, “நான் என் கணவர் மீது தீராத காதல் கொண்டுள்ளேன்; அவரை ஆயிரம் முறைகூடத் திருமணம் செய்யத் தயார்” என்று தனது காதலை வெளிப்படையாகப் பிரகடனப்படுத்தியுள்ளார்.