“ஓடும் காரிலேயே தாலி கட்டி திருமணம்” குழந்தையை விட்டுவிட்டு கள்ளக்காதலனுடன் ஓடிய பெண்.. 8 கால உறவை ஒரு நொடியில் கிழித்தெறிந்த பெண்ணின் பகீர் செயல்..!!

கர்நாடக மாநிலம் ஹாசனில் திருமண உறவின் புனிதத்தையே கேள்விக்குறியாக்கும் விதமாக நடந்துள்ள ஒரு சம்பவம் பெரும் அதிர்ச்சியை ஏற்படுத்தியுள்ளது. பிரகாஷ் என்பவருடன் திருமணமாகி 8 ஆண்டுகள் ஆன நிலையில், இந்தத் தம்பதிக்கு ஒரு குழந்தையும் உள்ளது. இந்நிலையில், மருத்துவப் பரிசோதனைக்காக மருத்துவமனைக்குச் செல்வதாகக் கூறிவிட்டு வீட்டை விட்டு வெளியேறிய அந்தப் பெண், தனது காதலனுடன் ஓட்டம் பிடித்துள்ளார்.

இந்தச் சம்பவத்தின் உச்சகட்டமாக, ஓடிக்கொண்டிருக்கும் காரிலேயே அந்தப் பெண்ணுக்கு அவரது காதலன் தாலி கட்டி, கால் விரல்களில் மெட்டி அணிவித்துள்ளார். சமூகத்தின் மீதான எந்தவொரு அச்சமும் இன்றி, இந்த முழு “திருமண” சடங்கையும் அவர்கள் வீடியோவாகப் பதிவு செய்துள்ளனர். முறைப்படியான விவாகரத்து பெற்றுத் தனது விருப்பப்படி வாழ்வதற்குப் பதிலாக, ஒரு குழந்தைக்குத் தாயான நிலையில் அந்தப் பெண் செய்துள்ள இந்தச் செயல் கடும் கண்டனத்திற்கு உள்ளாகியுள்ளது.

சமூக வலைதளங்களில் இந்த வீடியோ வைரலாகி வரும் நிலையில், “இது ஒரு திருமணமே அல்ல” என்றும், இத்தகைய செயல்கள் சமூகத்திற்கு என்ன மாதிரியான செய்தியைச் சொல்ல வருகின்றன என்றும் பலரும் கேள்வி எழுப்பி வருகின்றனர். ஒருபுறம் ஏமாற்றப்பட்ட கணவன் மற்றும் தாயின் அரவணைப்பை இழந்த குழந்தை என ஒரு குடும்பமே சிதைந்துள்ள நிலையில், தார்மீக விழுமியங்களை மீறிய இவர்களின் செயல் பொதுமக்களிடையே பெரும் கொந்தளிப்பை ஏற்படுத்தியுள்ளது.