200 கோடியில் பங்கு கேட்ட இளையராஜா.. கமுக்கமாக முடிவுக்கு வந்த கண்மணி பாடல் பஞ்சாயத்து..!!

மலையாளத்தில் ரிலீசான மஞ்சுமெல் பாய்ஸ் திரைப்படம் சூப்பர் ஹிட் ஆனது. மலையாளம் மட்டும் இல்லாமல் நாடு முழுவதும் மஞ்சுமெல் பாய்ஸ் படம் பேசப்பட்டது. சுமார் 20 கோடி பட்ஜெட்டில் உருவாகி 240 கோடிக்கு மேல் வசூல் செய்து மஞ்சுமெல் பாய்ஸ்  படம் சாதனை படைத்தது.

கமல்ஹாசன் நடிப்பில் கடந்த 1991-ஆம் ஆண்டு ரிலீசான குணா திரைப்படத்தில் கண்மணி அன்போடு காதலன் என்ற பாடல் இடம் பெற்றது. அந்த பாடலை தான் மஞ்சுமெல் பாய்ஸ் திரைப்படத்தில் பயன்படுத்தியுள்ளனர். சொல்லப்போனால் படம் வெற்றி பெற்றதற்கு அந்த பாடலும் முக்கிய காரணமாக அமைந்தது என்று தான் கூற வேண்டும். அன்று இளையராஜா எழுதிய பாடல் இன்றும் ரசிகர்கள் மனதில் நீங்காத இடம் பிடித்துள்ளது.

இந்த நிலையில் கண்மணி பாடலை தனது அனுமதி பெறாமல் மஞ்சுமெல் பாய்ஸ் திரைப்படத்தில் பயன்படுத்தியதாக கூறி தயாரிப்பாளருக்கு இளையராஜா நோட்டீஸ் அனுப்பினார். உடனே மஞ்சுமெல் பாய்ஸ் தயாரிப்பாளர்கள் இளையராஜாவை சந்தித்து பேசினார். அப்போது இழப்பீடாக இளையராஜா 2 கோடி ரூபாய் பணம் கேட்டுள்ளார். அப்படி இல்லை என்றால் பாடலை படத்திலிருந்து நீக்க வேண்டும் என நோட்டீசில் குறிப்பிடுள்ளார்.

இளையராஜாவின் அனுமதி இல்லாமல் பாடலை பயன்படுத்தியதாக பட குழுவினர் மீதும் கடுமையான விமர்சனம் எழுந்தது. இந்த நிலையில் இளையராஜாவுடன் மஜ்மல் பாய்ஸ் படம் குழுவின் தயாரிப்பாளர்கள் அமர்ந்து சமரச பேச்சுவார்த்தை நடத்தினார். அப்போது இறுதியில் இளையராஜாவுக்கு 60 லட்ச ரூபாய் பணம் கொடுத்து பிரச்சினையை பேசி முடித்து விட்டதாக தகவல் வெளியாகி உள்ளது.