பிரபல நடிகை பாலியல் துன்புறுத்தல் செய்யப்பட்ட வழக்கில் மலையாள நடிகர் திலீப் சில தினங்களுக்கு முன்பு விடுதலை செய்யப்பட்டார். நடிகர் திலீப்பின் முன்னாள் மனைவி, மலையாள நடிகை மஞ்சு வாரியர் கொச்சியில் செய்தியாளர்களிடம் கூறியதாவது, பாலியல் வழக்கில் குற்றம் செய்தவர்களுக்கு மட்டுமே தண்டனை கிடைத்துள்ளது. அவர்கள் மட்டுமே தண்டிக்கப்பட்டுள்ளனர். ஆனால் அந்த செயலை திட்டமிட்டு செய்தவர்கள் சுதந்திரமாக வெளியே நடமாடி வருகின்றனர்.
இதில் உரிய நீதி கிடைக்கவில்லை. எனவே சதித்திட்டம் தீட்டி அதை நிறைவேற்றியவர்களுக்கும் தண்டனை வழங்க வேண்டும். அப்போதுதான் உண்மையான நீதி நிலைநாட்டப்படும் என்று கூறினார். இதுகுறித்து அவர் தனது இன்ஸ்டாகிராம் பக்கத்தில் ஒரு பதிவில் கூறியிருப்பதாவது, மதிப்பிற்குரிய நீதிமன்றத்தை நான் மதிக்கிறேன். ஆனால் இந்த விஷயத்தில் முழுமையான நீதி கிடைக்கவில்லை. ஏனென்றால் குற்றம் செய்தவர்கள் மட்டுமே இப்போது தண்டிக்கப்பட்டுள்ளனர்.
இதை திட்டமிட்டவர்கள் சுதந்திரமாக இருக்கிறார்கள் என்பது ஒரு பயமுறுத்தும் உண்மை. அவர்கள் தண்டிக்கப்படும்போதுதான் உயிர் வாழ்வதற்கான நீதி முழுமை அடையும். இது நான் உட்பட சமூகத்தின் காவல்துறை மற்றும் சட்ட அமைப்பின் மீதான நம்பிக்கையை வலுப்படுத்த வேண்டும்.இது அவளுக்கு மட்டுமல்ல, இது இந்த நாட்டில் உள்ள ஒவ்வொரு பெண்ணுக்கும் ஒவ்வொரு மனிதனுக்கும் உரியது. பணியிடத்திலும் தெருக்களிலும் வாழ்க்கையிலும் பயமின்றி தலை நிமிர்ந்து நடக்கக்கூடிய சூழ்நிலை அவர்களுக்கு இருக்க வேண்டும் என்று அந்த பதிவில் மஞ்சு வாரியர் ஆவேசமாக கூறியிருக்கிறார்.