உத்தரப் பிரதேச மாநிலம் லக்னோவில் எடுக்கப்பட்ட ஒரு விசித்திரமான மற்றும் வேடிக்கையான வீடியோ சமூக வலைதளங்களில் வைரலாகி வருகிறது. பொதுவாக மக்கள் தங்கள் செல்லப் பிராணிகளை உடற்பயிற்சிக்காகவும், ஆரோக்கியத்திற்காகவும் காலார நடந்து கூட்டிச் செல்வார்கள். ஆனால், இந்த வீடியோவில் உள்ள நபர் தான் நடப்பதைத் தவிர்ப்பதற்காக ஒரு புதிய உத்தியைக் கையாண்டுள்ளார், இது பார்ப்பவர்களைப் பெரிதும் சிரிக்க வைத்துள்ளது.
அந்த வைரல் வீடியோவில், ஒரு முதியவர் தனது வளர்ப்பு நாயை வீதியில் கூட்டிச் சென்றுள்ளார். ஆனால் அவர் நடந்து செல்லாமல், தனது ஸ்கூட்டரில் சொகுசாக அமர்ந்து கொண்டு மெதுவாக வண்டியை ஓட்டுகிறார். நாயின் கழுத்தில் கட்டப்பட்டிருக்கும் சங்கிலியைத் தனது கையில் பிடித்துக் கொண்டு, நாயை மட்டும் சாலையில் ஓடவிட்டுத் தனியாக அழைத்துச் செல்கிறார். தான் கஷ்டப்பட்டு நடக்கக் கூடாது, அதே சமயம் நாய்க்கான நடைப்பயிற்சியும் முடிய வேண்டும் என்ற அவரது எண்ணம் வீடியோவில் தெளிவாகத் தெரிகிறது.
https://www.instagram.com/reel/DYTWYxLybWU/?utm_source=ig_web_copy_link
இதைப் பார்த்த ஒரு நபர், “பாருங்கள், அங்கிள் ஸ்கூட்டரில் இருந்துகொண்டே நாயை நடைப்பயிற்சிக்கு அழைத்துச் செல்கிறார், அவர் நடக்கவில்லை ஆனால் நாயை நடக்க வைக்கிறார்” என்று வேடிக்கையாக வர்ணனை செய்து இந்த வீடியோவைப் பதிவு செய்துள்ளார். இன்ஸ்டாகிராமில் பகிரப்பட்ட இந்த வீடியோ, “லக்னோவில் ஒரு அற்புதமான காட்சி” என்ற வாசகத்துடன் இணையத்தில் ஆயிரக்கணக்கானோரால் ரசிக்கப்பட்டு, பல வேடிக்கையான கமெண்ட்டுகளுடன் வைரலாகி வருகிறது.