இங்கே என்னடா பண்ற?… ரயிலில் பெண்கள் பெட்டியில் புகுந்து… ரகளை செய்த நபர்… பிடித்துக் வெளுத்து வாங்கிய பயணிகள்… இணையத்தில் வைரல் வீடியோ…!

மும்பை ஹார்பர் லைன் உள்ளூர் ரயிலில் பெண்கள் மட்டும் பயணிக்கும் பெட்டியில் நுழைந்த நபர் ஒருவர், அங்கிருந்த பெண்களுக்குத் தொடர்ந்து தொல்லை கொடுத்து வந்ததாகக் கூறப்படுகிறது. இதைக் கண்டு அதிர்ச்சியடைந்த சக பயணிகள் உடனடியாகச் செயல்பட்டு, அந்த நபரை ரயில் நிலைய பிளாட்பாரத்திலேயே மடக்கிப் பிடித்தனர்.

குர்லா ரயில் நிலையத்தில் ரயில் வந்து நின்றபோது, எதிர்ப்பு தெரிவித்த அந்த நபரை பயணிகள் பிடித்து பிளாட்பாரத்தில் இழுத்துச் சென்று ரயில்வே பாதுகாப்புப் படையினரிடம் ஒப்படைத்தனர். பயணிகள் அவரைப் பிடித்து இழுத்துச் செல்லும் காட்சிகள் அடங்கிய வீடியோ சமூக வலைதளங்களில் வெளியாகி வைரலாகப் பரவி வருகிறது.

இந்தச் சம்பவம் குறித்து எக்ஸ் தளத்தில் வீடியோ வெளியானதைத் தொடர்ந்து, மத்திய ரயில்வேயின் மும்பைப் பிரிவு விரைந்து நடவடிக்கை எடுத்துள்ளது. வைரல் வீடியோவின் உண்மைத்தன்மை மற்றும் சம்பவம் நடந்த நேரம் குறித்து ரயில்வே பாதுகாப்புப் படையினர் தீவிர விசாரணை நடத்தி வருகின்றனர்.