பிரபல மலையாள ஒளிப்பதிவாளர் மோகனின் மகளான மாளவிகா துல்கர் சல்மானின் பட்டம் போல திரைப்படத்தின் மூலம் மலையாள திரை உலகில் நடிகையாக அறிமுகம் ஆனார். இவர் கன்னடம், ஹிந்தி உள்ளிட்ட மொழி திரைப்படங்களில் நடித்துள்ளார்.
கடந்த 2017-ஆம் ஆண்டு வெளியான பியாண்ட் தி கிளவுட்ஸ் என்னும் திரைப்படத்தில் மாளவிகாவின் நடிப்பு விமர்சனம் ரீதியாக நல்ல வரவேற்பை பெற்றது. இதனையடுத்து தமிழில் ரஜினிகாந்தின் பேட்ட திரைப்படத்தின் மூலம் மாளவிகா மேனன் நடிகையாக அறிமுகம் ஆனார். இந்த படம் நல்ல வரவேற்பை பெற்றது.
ஆனாலும் விஜய்யுடன் மாஸ்டர் படத்தில் இணைந்து நடித்த பிறகுதான் மாளவிகா பிரபலம் ஆனார். இதனையடுத்து தனுஷுடன் மாளவிகா நடித்த மாறன் திரைப்படம் ஓடிடியில் வெளியானது. ஆனால் அந்த படம் பெரிதாக வரவேற்பை பெறவில்லை.
இந்நிலையில் பா.ரஞ்சித் இயக்கத்தில் விக்ரமுக்கு ஜோடியாக மாளவிகா தங்கலான் படத்தில் நடித்து முடித்துள்ளார். அந்த படம் ரிலீஸ் ஆக உள்ளது. இதனையடுத்து பாலிவுட்டில் யுத்ரா என்ற திரைப்படத்திலும் மாளவிகா நடித்துள்ளார்.
சோசியல் மீடியாவில் ஆக்டிவாக இருக்கும் மாளவிகா அவ்வப்போது போட்டோ ஷூட் நடத்தி புகைப்படங்களை வெளியிடுவார். தற்போது வெள்ளை நேர உடையில் மாளவிகா வெளியிட்ட போட்டோஸ்க்கு ரசிகர்கள் லைக்ஸ்களை தட்டி விடுகின்றனர்.
