பிரபல திரைப்பட பாடல் ஆசிரியர் யுக பாரதியின் உண்மையான பெயர் பிரேம் குமார். இவர் சுப்ரமணிய பாரதியின் நினைவாக தனது பெயரை யுகபாரதி என மாற்றிக் கொண்டார். முதன் முதலாக ஆனந்தம் திரைப்படத்தில் இடம் பெற்ற பல்லாங்குழியின் வட்டம் பார்த்தேன் என்ற பாடல் மூலம் திரையுலகில் தனது பயணத்தை ஆரம்பித்தார்.
இதுவரை 2 ஆயிரத்திற்கும் மேற்பட்ட திரைப்பட பாடல்களை யுகபாரதி எழுதியுள்ளார். காதல் பிசாசே, மன்மத ராசா, கொஞ்சம் நேரம் கொஞ்சம் நேரம் ஆகிய பாடல்களை எழுதியவர் யுக பாரதி. இவர் ராஜபாட்டை, நீலம், மைனா, கும்கி ஆகிய திரைப்படங்களில் வேலை பார்த்துள்ளார். முன்னணி நடிகர்களான விஜய், அஜித், ஸ்ரீகாந்த், தனுஷ் உள்ளிட்டோரின் படங்களுக்கு பாடல் எழுதியுள்ளார்.
சமீபத்தில் யுகபாரதி அளித்த பேட்டியில் கூறியதாவது, பி.வாசு பாடல் ஆசிரியர்களுக்கான இயக்குனர் சொல்லுவேன். நான் பரமசிவம் படத்தில் பி.வாசுவுக்காக பாடல் எழுதினேன். அதுக்கு முன்னால் சந்திரமுகி படத்தில் பாடல் எழுதினேன். கொஞ்ச நேரம் கொஞ்சும் நேரம் என்ற பாடல் நல்ல வரவேற்பை பெற்றது. ஆனால் அந்த பாடலை நான் சந்திரமுகிக்காக எழுதிய பாட்டு இல்ல. அந்த பாட்டு மதுர திரைப்படத்திற்காக எழுதின பாட்டு.
கண்டேன் கண்டேன் உன் கண்கள் நான் கண்டேன் என்ற பாடலை எழுதி விட்டேன். அதன் பிறகு ஒரு ஆப்ஷனாக இந்த பாடலை எழுதி ஒரு டியூன் போட்டோம். அந்தப் பாட்டை தான் பிறகு சந்திரமுகி படத்தில் யூஸ் பண்ணாங்க. விஜய் படத்திற்காக எழுதின பாட்டு ரஜினிகாந்தின் படத்திற்கு யூஸ் ஆச்சுன்னு சொல்றது நிறைய பேருக்கு புதுசா இருக்கும். ஆனா அதுதான் உண்மை என கூறியுள்ளார்.
