கேரளா மாநிலம் பாலா – தொடுபுழா சாலையில் சென்று கொண்டிருந்த சொகுசு கார் ஒன்று, ஓட்டுநருக்கு ஏற்பட்ட திடீர் தூக்கக் கலக்கம் காரணமாகக் கட்டுப்பாட்டை இழந்து வீடொன்றின் காம்பவுண்ட் சுவரை இடித்துத் தள்ளிக்கொண்டு முற்றத்தில் தலைகீழாகக் கவிழ்ந்து விபத்துக்குள்ளானது.
இந்த கோர விபத்தில் காரில் பயணஞ்செய்த அனைவரும் அதிர்ஷ்டவசமாகச் சிறு காயங்களுடன் உயிர் தப்பினர். இச்சம்பவம் குறித்த தகவல் அறிந்து வந்த போலிஸார் மீட்பு நடவடிக்கைகளை மேற்கொண்டனர். ஓட்டுநரின் அசதியால் நேர்ந்த இந்த விபத்து அப்பகுதியில் பெரும் பரபரப்பை ஏற்படுத்தியுள்ளது.