தமிழ் சினிமாவில் நடிகர் ரஜினிகாந்தின் திரைப்படம் என்றாலே ரசிகர்கள் மத்தியில் எப்போதும் ஆர்வம் அதிக அளவில் இருக்கும். அதிலும் லோகேஷ் கனகராஜ் கூட்டணியில் நடிகர் ரஜினிகாந்த் நடிக்கும் திரைப்படம் என்றால் சொல்லவா வேண்டும். சன் பிக்சர் நிறுவனம் தயாரிப்பில் சூப்பர் ஸ்டார் ரஜினிகாந்த் நடிப்பில் உருவாக உள்ள திரைப்படம் கூலி.
இப்படத்தின் டைட்டில் டீசர் நேற்று முன்தினம் வெளியானது. ரஜினியின் லேடிஸ் காலங்களை நினைவுபடுத்தும் வகையில் பல காட்சிகள் அமைந்திருந்தன. டிஸ்கோ பாடலும் இதில் இருப்பதாக பலரும் தெரிவித்து வருகிறார்கள். இப்படி இந்த படத்தின் அடுத்த அடுத்த அப்டேட்டுகள் தொடர்ந்து வெளியாகி வருகின்றது.
இப்படத்தில் நாகார்ஜுனா, பாலிவுட் நடிகர் ரன்வீர் கபூர், ஸ்ருதிஹாசன் சத்யராஜ் போன்ற பிரபலங்கள் நடிக்க இருப்பதாக தொடர்ந்து தகவல் வெளியாகி வருகின்றன. இந்தப் படத்திற்கு அனிருத் இசையமைக்க இருக்கின்றார். இந்நிலையில் லோகேஷ் கனகராஜன் சம்பளம் எவ்வளவு என்பது தொடர்பான தகவல் தற்போது வெளியாகி உள்ளது. சன் பிக்சர் நிறுவனம் அவருக்கு 60 கோடி சம்பளத்தை கொடுக்க உள்ளதாம்.
லியோ திரைப்படத்திற்கு லோகேஷ் கனகராஜ் 50 கோடி சம்பளம் வாங்கி இருந்த நிலையில் தற்போது 60 கோடி சம்பளம் வாங்கி நம்பர் ஒன் இடத்தை பிடித்திருக்கின்றார். சன் பிக்சர் நிறுவனம் இவ்வளவு சம்பளம் கொடுத்து இருப்பது படம் வசூலை வாரி குவிக்கும் என்ற நம்பிக்கையில் தான். இந்த எதிர்பார்ப்பை லோகேஷ் கனகராஜ் பூர்த்தி செய்வாரா இல்லையா என்பது பொறுத்திருந்துதான் பார்க்க வேண்டும்.