இரவில் வாக்கிங் சென்றவரின் எதிரில் திடீரென வந்த சிங்கம்.. அடுத்து நடந்த திக் திக் நிமிடங்கள்… காண்போரை வியக்க வைக்கும் வைரல் வீடியோ…!

குஜராத் மாநிலத்தில் உள்ள சிமெண்ட் தொழிற்சாலை ஒன்றின் வேலை செய்து வரும் பணியாளர் ஒருவர் இரவு வேளையில் காற்று வாங்குவதற்காக நடைப்பயிற்சி மேற்கொண்டு இருந்தார்.. அந்த சமயத்தில் சிறுநீர் கழிப்பதற்காக அவர் சென்ற நிலையில் கைகளை பின்னால் கட்டியபடி மெதுவாக நடந்து சென்றுள்ளார். அங்கு தூரத்தில் நாய்கள் குறைத்தபடி இருந்துள்ளன. பொதுவாக ஏதாவது தீங்கு நேர போகிறது என்றால் அதனை தெரிவிப்பதற்காக இது போன்ற நாய்கள் குரைப்பது வழக்கம். ஆனால் அந்த நபர் எதையும் கண்டுகொள்ளாமல் வீடு ஒன்றை கடந்து சென்று அதன் முனைப்பகுதிக்கு சென்றபோது அவருக்கு அதிர்ச்சி காத்திருந்தது. அவரைப் போலவே சிங்கம் ஒன்று மந்த வழியாக வந்துள்ளது.

இருவரும் எதிர்ப்பகுதிகளிலிருந்து நடந்து வந்த போது நடுவில் இருந்த வீடு அவர்கள் இருவரையும் பார்க்க முடியாதபடி மறைத்து விட்டது. சரியாக வீட்டின் மறைவை கடந்து தெருமுனைக்கு அவர் சென்று அவசரத்துக்கு ஒதுங்கலாம் என்று நினைத்தபோது அந்த நபரும் சிங்கமும் நேருக்கு நேராக சந்தித்துக் கொண்டனர். அந்த நபர் நொடி பொழுதில் அதிர்ச்சியில் உறைந்து விட்டார். என்ன செய்வது என யோசிப்பதற்குள் ஆச்சரியம் ஏற்படும் வகையில் அந்த சம்பவம் நடந்தது. அதாவது சிங்கமும் நபரும் வந்த வழியிலேயே திரும்பி ஓட்டம் எடுத்தனர். இது தொடர்பான வீடியோ தற்போது இணையத்தில் வைரலாகி வருகிறது. சிங்கம் அவரை எதுவும் செய்யாமல் அதுவும் ஓட்டம் பிடித்த வீடியோ பலரையும் வியக்க வைத்துள்ளது.