CINEMA
விஜய்க்கு 200 கோடி சம்பளம்…. ஆனா எங்களுக்கு 1 ரூபா கூட இல்ல…. புலம்பும் லியோ பட கலைஞர்கள்…!!
லோகேஷ் கனகராஜ் இயக்கத்தில் நடிகர் விஜய், த்ரிஷா நடிப்பில் உருவான படம் லியோ. இந்த படத்திற்கு அனிருத் இசையமைத்துள்ளார். கௌதம் வாசுதேவ் மேனன், மிஷ்கின், அர்ஜுன், பிரியா ஆனந்த், மன்சூர் அலிகான் உள்பட பலர் இந்த படத்தில் நடித்துள்ளனர். வருகிற அக்டோபர் மாதம் 19-ஆம் தேதி திரையரங்குகளில் லியோ ரிலீஸ் ஆக உள்ளது.
படத்தின் சூட்டிங் முடிவடைந்த நிலையில் போஸ்ட் ப்ரொடக்ஷன் வேலைகள் நடைபெற்றுக் கொண்டிருக்கிறது. லியோ படத்தின் போஸ்டர்கள் ரசிகர்களிடையே மிகுந்த எதிர்பார்ப்பை ஏற்படுத்தியுள்ளது. கடந்த சில நாட்களுக்கு முன்பு லியோ படத்தில் இருந்து விஜய் பாடிய “நா ரெடி” பாடல் வெளியானது. இணையத்தில் வெளியான சில நிமிடங்களிலேயே லட்சக்கணக்கானோர் அதை பார்த்துள்ளனர்.
இந்த பாடலில் நடிகர் விஜயுடன் சுமார் 1200 பேர் நடனம் ஆடியதாக தெரிகிறது. அதில் 200 பேர் ப்ரொபஷனல் டான்சர்ஸ். மீதமுள்ள 1000 பேர் கல்லூரி மாணவர்கள், நடன கலைஞர்கள் என கூறப்படுகிறது. சுமார் 6 நாட்கள் எடுக்கப்பட்ட இந்த பாடலுக்கு ப்ரொபஷனல் டான்சர்ஸ் 200 பேருக்கு சம்பளம் முறையாக வழங்கப்பட்டது. ஆனால் மீதமுள்ள ஆயிரம் பேருக்கு சம்பளம் வழங்கப்படவில்லை எனக் கூறப்படுகிறது.
சம்பளத்தை கணக்கிட்டு பார்த்தால் ஒருவருக்கு 20 ஆயிரம் ரூபாய் கொடுக்க வேண்டியது இருக்கும். அதில் பலர் எப்படியாவது சினிமாவில் தனது முகத்தை காட்டி விட மாட்டோமா என்ற ஏக்கத்திலும், கஷ்டப்படுபவர்களாகவும் இருக்கின்றனர். படமே வெளியாக உள்ள நிலையில் நடன கலைஞர்களுக்கு இன்னும் சம்பளம் வழங்காதது அதிர்ச்சியை ஏற்படுத்தியுள்ளது.
