அட கொடுமையே… கல்யாணம் பண்ணிக்கிறியா?… பக்கத்து வீட்டு பெண்ணிடம் சில்மிஷம்… வாட்ஸ்ஆப் மெசேஜ் அனுப்பி வரவழைத்து… சிகரெட்டால் சூடு வைத்த வழக்கறிஞர் கேங்… அதிரடி கைது…!

சென்னை சூளைமேடு பகுதியைச் சேர்ந்த சுதர்சன் (30) என்ற மெடிக்கல் ரெப், தனது வீட்டின் கீழ் தளத்தில் வசிக்கும் கேரளாவைச் சேர்ந்த நமீதா (21) என்ற பெண்ணிடம் திருமணம் செய்து கொள்வதாக ஆசை வார்த்தை கூறியுள்ளார். இதைத் தன் கைபேசியில் பதிவு செய்த நமீதா, தனது ஆண் நண்பருடன் சேர்ந்து சுதர்சனை மிரட்டி மன்னிப்பு கேட்க வைத்துள்ளார். அதன்பின், ‘அல்ட்ரா அமர் அவென்யூ’ பகுதிக்கு வருமாறு நமீதா அனுப்பிய வாட்ஸ்ஆப் குறுஞ்செய்தியைப் படித்து சுதர்சன் ஆசையுடன் அங்கு சென்றுள்ளார்.

அங்கு சுதர்சனுக்கு அதிர்ச்சி காத்திருந்தது; உயர் நீதிமன்ற பெண் வழக்கறிஞர் மோனிஷா மற்றும் அவரது சகாக்கள் சுதர்சனை மொட்டை மாடிக்கு அழைத்துச் சென்று, நமீதாவிற்கு 5 லட்சம் ரூபாய் நஷ்டஈடு தர வேண்டும் என்றும், இல்லையெனில் காவல்துறை புகார் அளிப்போம் என்றும் மிரட்டியுள்ளனர். பணம் தர அவகாசம் கேட்டுச் சென்ற சுதர்சனை மீண்டும் அழைத்து, பணம் தர மறுத்ததால் பிளாஸ்டிக் பைப்பாலும் கையாலும் தாக்கியதுடன், அவரது இடது காலில் சிகரெட்டால் சூடு வைத்து கொடுமைப்படுத்தி, 2 லட்சம் ரூபாயாவது தர வேண்டும் என மிரட்டி அனுப்பியுள்ளனர்.

மனமுடைந்த சுதர்சன் தனது மனைவியின் ஒப்புதலோடு சூளைமேடு காவல் நிலையத்தில் புகார் அளித்தார். புகாரின் பேரில் விசாரணை நடத்திய காவல் ஆய்வாளர் மணி நகுலன், சுதர்சன் தாக்கப்பட்டதும் சிகரெட்டால் சூடு வைக்கப்பட்டதும் உண்மை என உறுதி செய்தார். இதையடுத்து, வழக்கறிஞர் மோனிஷா, நமீதா, சிவரஞ்சனி, பாலகிருஷ்ணன் மற்றும் கணேஷ் ஆகிய 5 பேரையும் கைது செய்து நீதிமன்றத்தில் ஆஜர்படுத்தி சிறையில் அடைத்தார்.