பாஜக மாநில துணைத் தலைவர் குஷ்பு, திமுக அரசை விமர்சித்து பேசிய கருத்துக்கள் அரசியல் வட்டாரத்தில் பரபரப்பை ஏற்படுத்தியுள்ளன. புதுச்சேரியில் நடைபெற்ற பாஜக பொதுக்கூட்டத்தில் கலந்து கொண்டு பேசிய அவர், திமுக அரசு ஆன்மீகத்திற்கும் இந்து மதத்திற்கும் எதிராகச் செயல்படுவதாகக் குற்றம்சாட்டினார். “திமுக எங்களுக்கு மட்டும் எதிரி அல்ல, அவர்கள் கடவுளுக்கே எதிரிதான்” என அவர் ஆவேசமாகத் தெரிவித்தார்.
மேலும், தமிழகத்தில் போதைப்பொருள் புழக்கம் அதிகரித்துள்ளதாகவும், சட்டம் ஒழுங்கு சீர்குலைந்துள்ளதாகவும் அவர் சாடினார். வருகின்ற 2026 சட்டமன்றத் தேர்தலில் தமிழகம் மற்றும் புதுச்சேரியில் பாஜக மிகப்பெரிய வெற்றியைப் பெற்று ஆட்சியமைக்கும் என்றும் அவர் நம்பிக்கை தெரிவித்தார்.