திடீர் திருப்பம்… தவெக கூட்டணிக்கு கிரீன் சிக்னல் கொடுத்த முக்கிய கட்சிகள்… வெளிவந்த பரபரப்பு லிஸ்ட்…!

தமிழகத்தில் 2026 ஆம் ஆண்டு சட்டமன்றத் தேர்தல் களம் நான்கு முனை போட்டியாக உள்ளது. அதாவது திமுக, அதிமுக, தமிழக வெற்றிக்கழகம் மற்றும் நாம் தமிழர் கட்சி என நான்கு முனைப்போட்டி நிலவி வருகிறது. இதில் தனது கூட்டணியை பலமாக வைத்திருக்கும் திமுக எப்படியும் தங்கள் ஆட்சியைப் பிடித்து விடலாம் என்ற எண்ணத்தில் செயல்பட்டு வருகிறது. மறுபக்கம் சீமான் யாருடனும் கூட்டணி வைக்காமல் தன்னந்தனி ஆளாக கட்சியை வழிநடத்தி வருகிறார். அதேசமயம் பாஜகவுடன் கூட்டணி வைத்துள்ள இபிஎஸ் அதிமுக ஆட்சியை நிலை நாட்டுவதற்கான வியூகங்களை வகுத்து வருகிறார்.

இவர்களுக்கு நடுவே விஜயும் களத்தில் இறங்கி உள்ளதால் விஜயை தங்கள் கூட்டணியில் இழுக்கும் முயற்சியில் பாஜக மற்றும் அதிமுக உள்ளிட்ட கட்சிகள் ஈடுபட்டு வருகின்றன. இதனிடையே சமீபத்தில் அதிமுகவின் மூத்த நிர்வாகியான செங்கோட்டையன் தமிழக வெற்றி கழகம் கட்சியில் இணைந்ததால் தற்போது விஜய் டிவி மேலும் பலம் கூடியுள்ளது. இதனால் திமுகவுக்கு போட்டியாக விஜய் தான் தற்போது களத்தில் உள்ளார்.

இந்நிலையில் தேர்தல் நெருங்கி வரும் சூழலில் கூட்டணி பேச்சு வார்த்தையை தமிழக வெற்றி கழகம் தீவிரப்படுத்தியுள்ளதாக கட்சி வட்டாரங்கள் தெரிவிக்கின்றன. அந்த வகையில் அமமுக மற்றும் புதிய தமிழகம் கூட்டணிக்கு சம்மதம் தெரிவித்து விட்டதாகவும் கூறப்படுகிறது. மேலும் தேமுதிக, பாமக (அன்புமணி தரப்பு) கட்சிகளுடனும் ரகசிய பேச்சுவார்த்தை தொடங்கப்பட்டுள்ளதாம். விஜய் தான் முதல்வர் வேட்பாளர் என அறிவிக்கப்பட்டு விட்ட நிலையில் விஜய் தலைமையை ஏற்கும் கட்சியுடன் தமிழக வெற்றிக்கலகம் கூட்டணி அமைக்க உள்ளது. இதனால் கூட்டணி குறித்து அறிவிப்பு விரைவில் வெளியாகும் என எதிர்பார்க்கப்படுகிறது.