தேனி மாவட்ட திமுகவில் ஓ. பன்னீர்செல்வத்தின் வருகைக்குப் பிறகு ஏற்பட்டுள்ள அரசியல் மாற்றங்கள் கட்சிக்குள் பெரும் சலசலப்பை ஏற்படுத்தியுள்ளன. குறிப்பாக, வேட்பாளர் தேர்வு மற்றும் பூத் கமிட்டி பணிகளில் தங்களுக்கு உரிய முக்கியத்துவம் அளிக்கப்படவில்லை என்றும், சீனியர் நிர்வாகிகள் புறக்கணிக்கப்படுவதாகவும் எழுந்த அதிருப்தியின் உச்சகட்டமாக, திமுக தீர்மானக் குழு இணைச் செயலாளரும் முன்னாள் மாவட்டச் செயலாளருமான ஜெயக்குமார் தலைமையில் சுமார் 50-க்கும் மேற்பட்ட முக்கிய நிர்வாகிகள் கட்சியிலிருந்து விலகி அதிமுகவில் இணைந்துள்ளனர்.
தேர்தல் நேரத்தில் கோட்டையாகக் கருதப்படும் தேனியில் நிகழ்ந்துள்ள இந்த திடீர் கட்சித் தாவல் மற்றும் சீனியர் நிர்வாகிகளின் வெளியேற்றம் திமுக தலைமைக்கு கடும் அதிர்ச்சியை ஏற்படுத்தியுள்ளதோடு, மாவட்ட அரசியலில் புதிய விவாதங்களையும் கிளப்பியுள்ளது.