பிரபல இதழ் ஒன்றுக்கு அளித்த பேட்டியில், தமக்குத் திடீரென அறுவை சிகிச்சை செய்ய வேண்டிய சூழ்நிலை ஏற்பட்டது குறித்து அமைச்சர் கீர்த்தனா விளக்கம் அளித்துள்ளார். கடந்த 2023-ஆம் ஆண்டு மார்ச் மாதத்தின் போது, தாம் இருசக்கர வாகனத்தில் பயணித்த வேளையில் எதிர்பாராதவிதமாக நாய் குறுக்கே வந்ததால் நிலைதடுமாறி கீழே விழுந்ததாகக் குறிப்பிட்டுள்ளார். இந்த விபத்தின் காரணமாகத் தமது தோள்பட்டை எலும்பில் முறிவு ஏற்பட்டது என்றும், உடனடியாக மருத்துவமனைக்குச் சென்று அறுவை சிகிச்சை மேற்கொண்டு தோள்பட்டையில் பிளேட் பொருத்தியதாகவும் அவர் தெரிவித்துள்ளார்.
அவ்வாறு பொருத்தப்பட்ட பிளேட் காரணமாகச் சமீபத்தில் அவருக்குத் தொற்று (Infection) ஏற்பட்டு, தோள்பட்டை பகுதியில் வீக்கம் உருவாகியுள்ளது. இதன் விளைவாகவே, தமக்கு மீண்டும் ஒரு அறுவை சிகிச்சை செய்ய வேண்டிய கட்டாயம் ஏற்பட்டதாகவும், தற்போது அந்த அறுவை சிகிச்சையின் மூலம் தோள்பட்டையில் இருந்த பிளேட் வெற்றிகரமாக அகற்றப்பட்டு விட்டதாகவும் அமைச்சர் கீர்த்தனா அந்தப் பேட்டியில் தெளிவுபடுத்தியுள்ளார்.