தமிழ் சினிமாவில் தன்னுடைய கதைகளில் ரௌத்திரத்தை ஏற்றி பார்வையாளர்களை திகைத்துப் போக வைக்கும் படங்களை எடுத்தவர் இயக்குனர் பாலா. அவர் இயக்கிய சேது, பிதாமகன், நான் கடவுள் போன்ற படங்கள் அவற்றின் உருவாக்கத்தால் இன்றளவும் எட்ட முடியாத உயரத்தில் இருக்கின்றன.
அவர் படங்களில் நடித்த பின்னர்தான் விக்ரம், சூர்யா மற்றும் ஆர்யா ஆகியோர் தமிழ் சினிமாவில் குறிப்பிடத்தக்க இடத்தை பிடித்தனர். அதனால் அவர் இயக்கத்தில் நடிக்க வேண்டும் என்பதில் பல இளம் ஹீரோக்கள் ஆர்வமாக இருந்தார்கள். அவர் படங்களில் கதாநாயகர்கள் பெரிய அளவுக்கு உயர்ந்தாலும், கதாநாயகிகள் போன இடம் தெரியாமல் காணாமல் போனார்கள்.
சேது படத்தில் நடித்த அபிதா, நான் கடவுள் படத்தில் நடித்த பூஜா, அவன் இவன் படத்தில் அவரால் அறிமுகப்படுத்தப்பட்ட ஜனனி மற்றும் மதுமிதா, பரதேசி படத்தில் நடித்த வேதிகா என யாரும் ஒரு குறிப்பிட்ட இடத்துக்கு வரவில்லை என்பதுதான் சோகம்.
#image_title
பாலா இயக்கிய சேது திரைப்படம் ரிலீஸாவதில் மிகப்பெரிய அளவில் தடங்கல்கள் ஏற்பட்டன. படம் ரிலீஸுக்கு முன்பே 100 முறை ப்ர்வ்யூ ஷோ போட்டுக் காட்டப்பட்டது. படத்தைப் பார்த்த விநியோகஸ்தர்கள் எல்லாம் ‘படம் நல்லா இருக்கு.. இயக்குனருக்கு நல்ல பெயர் கிடைக்கும். ஆனா ஓடாது” என சொல்லிவிட்டு சென்றுள்ளார்கள்.
இப்படி நடந்த ஒரு பிரிவ்யூ ஷோவில் படத்தைப் பார்த்த கருணாஸ் “இப்படி ஒரு படத்தை எப்படியாவது வெளிவர செய்துவிட வேண்டும் என்று தன்னிடம் இருந்த மூன்று லட்ச ரூபாயை எடுத்துக் கொண்டுபோய் சென்னையில் உள்ள தியேட்டர் காரரிடம் கொடுத்து அந்த படத்தை வெளியிட சொன்னேன். ஆனால் அவர் ‘நீ கஷ்டப்பட்டு சம்பாதித்த காசை வேஸ்ட் ஆக்காதே’ என சொல்லி அனுப்பிவிட்டார்.
#image_title
அப்புறம் நான்தான் அந்த படத்தின் ஆடியோவை ஒரு ஆடியோ கம்பெனிக்கு விற்றுக் கொடுத்தேன். ஆனால் நான் செய்த உதவி அந்த பட இயக்குனர் பாலா அண்ணனுக்குத் தெரியுமா என்று தெரியவில்லை. அந்த படத்தில் வேலைபார்த்த யாருக்குமே இது தெரிந்திருக்குமா என்று தெரியவில்லை. ஒருவேளை நானே அந்த படத்தை சென்னையில் ரிலீஸ் செய்திருந்தால் நன்றாக சம்பாதித்தும் இருப்பேன்” எனக் கூறியுள்ளார்.